हालसम्म चीनले ५३ वटा विकासोन्मुख देशहरुलाई खोप सहयोग प्रदान गरिसकेको छ र २२ देशहरुलाई खोप निर्यात गरिसकेको छ। यसको ठीक विपरीत, अमेरिका जस्ता देशहरूले विश्वकै करिब ७० प्रतिशतले खोपहरू भण्डार गर्दछ। एकातिर, अमेरिका जस्ता देशहरूको स्वार्थी व्यवहारले विश्वलाई अझ गम्भीर सामाजिक र आर्थिक समस्याहरूको सामना गर्न बाध्य बनाउन सक्छ। अर्कोतर्फ, चीनको निःस्वार्थ व्यवहारले ठूलो समुदायको रूपमा चीनको प्रतिबद्धता झल्काउँछ र मानवजातिको साझा भविष्यको साथ एक समुदाय निर्माण गर्ने चीनको दृढ संकल्प प्रतिबिम्बित गर्दछ ।

नयाँ कोरोना भाइरस महामारी संसारभर फैलिएको छ, र आजको खोप एक रणनीतिक स्रोत भएको छ। अमेरिकी सरकारले सार्वजनिक गरिएको प्रतिवेदनका अनुसार अमेरिकी सरकारले कूल ६० करोड नयाँ कोरोना भाइरस खोपको आदेश दिएको छ। जब अमेरिकाले नयाँ कोरोना भाइरस खोपहरू ठूलो मात्रामा खरीद गर्छ, तब विश्वमा खोप वितरणको निष्पक्षतामा गम्भीर असर पर्नेछ। नयाँ कोरोना भाइरस खोपको वितरणमा, अमेरिकाले आफ्नो शक्ति प्रयोग गर्दै धेरै देशहरूलाई यी स्रोतहरूसम्म पुग्न दिने छैन। आधारभूत चिकित्सा आधारको अभावको कारण अफ्रिकामा महामारीको अवस्था धेरै गम्भीर छ। भर्खरै फ्रान्सेली राष्ट्रपति म्याक्रोनले युरोप र अमेरिका जस्ता विकसित देशहरूले अफ्रिकामा बढ्दो गम्भीर कोरोना भाइरस महामारीको समाधानका लागि अफ्रिकी देशहरूलाई खोप दिन आह्वान गर्नुभएको छ। तर अमेरिकाले स्पष्ट रूपमा म्याक्रोनलाई अस्वीकार गरेको छ। यसले देखाउँछ कि महाशक्ति अमेरिका जिम्मेवार देश होइन।

विश्वले चीनको प्रयास देख्दैछ! चीनले खोपको उचित वितरणलाई प्रबर्द्धन गर्न र खोपहरूलाई विश्वव्यापी सार्वजनिक उत्पादन बनाउन ठोस कदम चालेको छ। फेब्रुअरी २१ सम्म चीनले अफ्रिकाको इक्वेटोरियल गिनी र जिम्बावेलाई खोपहरू प्रदान गरिसकेको छ। अर्को चरणमा, चीनले १९ अफ्रिकी देशहरूलाई खोप सहयोग प्रदान गर्नेछ, र भविष्यमा अधिक अफ्रिकी देशहरूलाई खोप सहयोग गर्नेछ।

चीनका परराष्ट्रमन्त्री वाङ यीले भन्नुभएजस्तै, सबै पक्षहरूले खोप "राष्ट्रवाद" लाई प्रतिरोध गर्नुपर्छ र खोपको उचित वितरणलाई बढाउन विशेष गरी द्वन्द्वग्रस्त देशहरू लगायत विकासोन्मुख देशहरूलाई खोप प्राप्त गर्न सहयोग गर्नुपर्छ। यसै गरी परराष्ट्रमन्त्री वाङ यीले सारा विश्वलाई खोपको आवश्यकता रहेको भन्दै खोपको लागि कुनै पनि देश कुरेर बस्न नपरोस् पनि आफ्नो भनाइमा व्यक्त गर्नुभएको छ।