क्वाङ सी च्वाङ जातीय स्वायत्त प्रदेशको उतरी भागमा पर्ने सानच्याङ तोङ जातीय प्रिफेक्चर चीनमा सबैभन्दा बढी तोङ जातिहरू बस्ने क्षेत्र हो। त्यहाँको विशेषतायुक्त जातीय संस्कृति र सुन्दर दृश्यले चिनियाँ तथा विदेशी पर्यटकलाई आकर्षित गरेको छ। आजको कार्यक्रममा हामी सँगसँग त्यहाँ घुम्नजाऔँ, है।

सानच्याङको यात्रा गर्दा तोङ जातीय सङ्ग्रहालयको भ्रमण गर्नुपर्छ। त्यहाँ तोङ जातीय काठद्वारा बनाइएको भवन, पोशाक तथा सजावटका सरसामान, किसानद्वारा बनाइएका चित्रहरू प्रदर्शन गरिएका छन्। गाइड ली च्वानले हरेक दिन सदिच्छापूर्ण रूपमा यात्रुहरूका लागि जानकारी दिनुहुन्छ।