यसै जुलाई ११ तारिख चीनको १७औँ समुद्री नेभिगेसन दिवस हो। यस वर्षको दिवसको मुख्य विषय “समुद्री नेभिगेसनको क्षेत्रमा नयाँ यात्रा गर्दै समुद्री ढुवानीमा नयाँ भविष्यको संयुक्त सिर्जना गर्नु”भन्ने हो। महामारीको प्रभावमा परी सन् २०२१ चीन समुद्री नेभिगेसन दिवस सम्बन्धी मुख्य मञ्च अनलाइनमार्फत युन नान प्रान्तको खुन मिङमा आयोजना भएको छ। चीनका उप यातायात ढुवानी मन्त्री चाउ छुङ च्युले यस मञ्चलाई सम्बोधन गर्नुभएअनुसार चीनले निरन्तर रुपमा कठिनाई पार गर्दै अन्तर्राष्ट्रिय रसद आपूर्ति श्रृंखलाको स्थिरता तथा सुविधालाई प्रत्याभूति गर्दै जाने छ। विदेशका लागि खुला सहयोगको मुख्य शक्तिको रुपमा चीनले अन्तर्राष्ट्रिय समुद्री ढुवानी स्रोतको संलग्नता र विभाजन क्षमतालाई मजबुत बनाउँदै समुद्री ढुवानी उद्योगले आधुनिक बलियो समाजवादी मुलुकको निर्माणलाई प्रवर्द्धन गर्नका लागि योगदान सिर्जना गर्दै जाने छ।
नयाँ चीन स्थापना भएयता चीनको समुद्री ढुवानी उद्योगले “सिमितता”बाट “प्रारम्भिक गतिशिलता”सम्म, “आधारभूत अनुकूलन”बाट “केही क्षेत्रमा अगाडि बढ्नु”सम्म प्रगति गरेको छ। विशेष गरी चिनियाँ कम्युनिष्ट पार्टीको १८औं महाधिवेशनदेखि यता चीनको समुद्री ढुवानी उद्योगको विकासमा उल्लेखनीय उपलब्धि पाइएको छ भने विश्वमा महत्वपूर्ण प्रभावित शक्ति बोकेको समुद्री ढुवानी ठूलो मुलुक बनेको छ। उप-यातायात ढुवानी मन्त्री चाउका अनुसार चीनको बन्दरगाह परिमाण विश्वको पहिलो स्थानमा रहेको छ। सन् २०२० मा ग्लोबल बन्दरगाह मालसामानका शीर्ष १० थ्रोपुट र कन्टेनर थ्रोपुट नामसूचिमा चीनको बन्दरगाहले बेग्लाबेग्लै रुपमा ८औं र ७औं स्थान ओगटेको छ। चीनसँग विश्वको दोस्रो ठूलो परिमाणको समुद्री ढुवानी जहाज टोली रहेको छ। चिनियाँ बन्दरगाहले विश्वका १०० भन्दा बढी मुलुक तथा क्षेत्रका मुख्य बन्दगाहसँग समुद्री लाइन सम्पर्क राखेको छ।
समुद्री ढुवानी उद्योग आन्तरिक र विदेशी आर्थिक चक्रका लागि सेवा गर्ने र अर्थतन्त्रको भूमण्डलीकरणलाई प्रवर्द्धन गर्ने महत्वपूर्ण पूल हो। वर्तमान ऐतिहासिक ठूलो परिवर्तन र नयाँ कोरोना भाइरसबाट समुद्री ढुवानीलाई ल्याइएको कठिनाई तथा चुनौतिका सामु चीनले अन्तर्राष्ट्रिय रसद आपूर्ति श्रृँखलाको सुरक्षा तथा स्थिरतालाई प्रत्याभूति गर्न निरन्तर प्रयास गर्दै जाने छ। यसप्रति उप-यातायात ढुवानी मन्त्री चाउका अनुसार बन्दरगाह र समुद्री व्यापारलाई केन्द्रको रुपमा लिँदै अन्तर्राष्ट्रियय रसद आपूर्ति श्रृँखलाको सेवायुक्त क्षमतालाई उकास्ने छ। अन्तर्राष्ट्रिय रसद आपूर्तिको सुरक्षा तथा सुविधाको संरक्षण गर्नका लागि खुला,संयुक्त उपभोग्य,विश्वव्यापी ढाकिने,सुरक्षित तथा भरपर्दो,कडा प्रत्याभूतिसहित आधुनिक अन्तर्राष्ट्रिय रसद आपूर्ति श्रृँखलाको निर्माण गर्ने छ। साथै चीनले २१ औँ शताब्दी समुद्री रेशमी मार्ग तटवर्ती मुलुक तथा क्षेत्रसँग समुद्री ढुवानी पूर्वाधारको निर्माणलाई प्रवर्द्धन गर्दै जाने छ।
पोस्ट-महामारी युगमा जलवायुको परिवर्तनको सामना मुख्य विषय मात्र नभई ग्लोबल समुद्री ढुवानी उद्योगमा दिगो विकास साकार तुल्याइने आवश्यकता बनेको छ। अन्तर्राष्ट्रिय समुद्री मामिला संगठनका महासचिव लिन चि चले सम्बन्धित् विभिन्न पक्षबीच सहयोगलाई बढाउन आव्हान गर्नुभएको छ। उहाँले जोड दिनुभएअनुसार अन्तर्राष्ट्रिय समुद्री मामिला संगठनले निरन्तर रुपमा खास कदम निर्धारण गर्दै समुद्री ढुवानी उद्योगलाई “कार्बन न्यूनिकरण” बाटोमा ल्याउन प्रवर्द्धन गर्दै जाने छ।
