प्रत्येक विहान सात बजे पैचिङ नगरपालिकाको तोछङ क्षेत्रका चाङ चिङ भूमिगत रेलद्वारा शहरको अर्को तिर काममा जाने गर्छिन्। चाङ चिङको एक मोटर गाडी छ तर उनको विचारमा सार्वजनिक यातायात साधन सुरक्षित, हरित र सहज छ। साथै उनी सार्वजनिक यातायातका साधन प्रयोग गर्दा आनन्द मान्छिन्। साथै लाइसेन्स प्लेट नम्बर को अन्तिम अंकबमोजिम यातायात प्रतिबन्ध गर्ने सम्बन्धमा पैचिङले लागू गरेको नीति उनी कार्यान्वयन गर्छिन्।
विहान आठ बजे कम्पनी नजिकै बस्ने पाउ यिङले मोबाइल फोनद्वारा एक शेयर्ड साइकलको क्वूआर कोड स्क्यान गरिन् र साइकल चढेर आफ्नो कम्पनी गइन्।
काम गर्ने बाटोमा हिँडेकी मै मैले एक सुविधा स्टोरबाट खाजा किनिन्। यसो गर्दा उनी निकै खुशी हुन्छिन्। किनभने उनले भुक्तानी सफ्टवेयरमा संकलन गरेको हरित ऊर्जाले मरुभूमिमा विरुवा दान गर्न निवेदन गर्न सक्छिन्।
हाल कम कार्बन, ऊर्जाको किफायत, वातावरणीय संरक्षणको जीवनशैली हरेक चिनियाँको खाना, कपडा, आश्रय र यातायात अर्थात् जीवनका आधारभूत आवश्यकतामा क्रमशः फैलिएको छ। सर्वसाधारणको जीवनशैलीको परिवर्तन चीन सरकारले प्रस्ताव गरेको कम कार्बन विकास धारणालाई सबैले अँगालेका छन्। अगष्ट २५ तारिखका दिन चीनको “राष्ट्रिय काम कार्बन दिवस” हो। सन् २०१३ मा नागरिकलाई जलवायु परिवर्तनबारे जानकारी दिन, कम कार्बन विकास धारणा र नीतिबारे प्रचार-प्रसार गर्न, नागरिकलाई हरितगृह ग्यासको निष्काशनको नियन्त्रण गर्ने कार्यमा संलग्न हुन प्रोत्साहन गर्नका लागि चीनको राज्य परिषदले “राष्ट्रिय कम कार्बन दिवस” तोकेको हो।
हाल बत्तीको प्रयोग गरेपछि तुरुन्तै बन्द गर्नु, पानीको पुनःप्रयोगमा ल्याउनु, ऊर्जाको किफायत गर्नु, डिस्पोजेबल प्लास्टिक वस्तुको कम प्रयोग गर्नु, आवश्यकता बमोजिम खाद्य-पर्दाथको अर्डर गर्नु, रेस्टुरेन्टमा आफूले खाएपछि बाँकी रहेको खाना पोको पारेर घरमा ल्याउनु, फोहोरको वर्गीकरण गर्नुआदि बानीहरू चिनियाँ सर्वसाधारणको जीवन शैली बन्न थालेको छ।
समग्र समाजको प्रयासमा सानो परिवर्तनले ठूलो उपलब्धि हासिल गर्न सक्छ। साथै चीनले आर्थिक बृद्धिमा परम्परागत ऊर्जा स्रोतमा निर्भर भएको अवस्थाबाट नवीकरणीय ऊर्जा स्रोततर्फ विकास गरेको “ऊर्जा स्रोत क्रान्ति” साकार तुल्याएको छ।
सन् २००५ देखि २०२० सम्म को १५ वर्षमा चीनको जीडीपी करिब साढे चार गुणाले बढेको छ। सो अवसरमा कार्बन तीव्रता ४८.४ प्रतिशतले घट्नुका साथै गैर जीवाश्म ऊर्जाको अनुपात ७.४ प्रतिशतबाट १५.९ प्रतिशतसम्म बढेको छ। चीनमा हावा र सौर्यलगायत सफा उर्जाहरु द्रुत रूपमा वृद्धि भएका छन्। फोटोवोल्टिक र हावा ऊर्जाको स्थापित क्षमता र बिजुली उत्पादन सबै विश्वको पहिलो स्थानमा पर्दछन्। चीनले सफा र कम कार्बन ऊर्जा प्रणालीको निर्माणमार्फत चिनियाँ आर्थिक बृद्धि शैली हरियो र कम कार्बन मोडसम्म रूपान्तरण पारिरहेको छ।
सन् २०२० को सेप्टेम्बरमा संयुक्त राष्ट्र संघको ७५ औं महासभाको सामान्य बहसमा सक्दो प्रयासमा चीनको कार्बन डाइअक्साइड उत्सर्जन सन् २०३० अघि शिखर पुग्ने र सन् २०६०अघि कार्बन तटस्थता पार्ने चिनियाँ राष्ट्राध्यक्ष सी चिनफिङले घोषणन गर्नुभयो। यो मानव भाग्य समुदायको निर्माण गर्ने जिम्मेवारी र दिगो विकासका लागि चीनले गरेको महत्वपूर्ण रणनीति हो।
विश्वको सबैभन्दा ठूलो उर्जा उत्पादक र उपभोक्ताको रूपमा, ऊर्जाको विकासले चीनको आर्थिक तथा सामाजिक विकास र जनजीवनको सुधारका लागि दृढ आधार तयार गरेको छ। तर, चिनियाँ पर्यावरणीय सभ्यता तिव्र निर्माणका लागि ऊर्जा र वातावरणको हरियो तथा सामंजस्यपूर्ण विकासको आवश्यकता छ। नयाँ उर्जाले परम्परागत उर्जाको सट्टा पार्ने क्रममा, अझै धेरै व्यावहारिक कठिनाई र चुनौति छन्। उदाहरणका लागि जल, सौर्य, र वायु ऊर्जाको आपूर्ति प्राकृतिक परिस्थितिबाट धेरै प्रभावित छ र त्यसको भण्डारण गर्ने प्रविधिको सुधार गर्नुपर्छ। कार्बन पीकदेखि कार्बन तटस्थसम्म चीनले बचन गर्ने समय विकसित देशहरुभन्दा धेरै छोटो छ। त्यसैले चीनले कडा मेहनत गर्नुपर्छ। जलवायु परिवर्तन र ऊर्जा संरचनाको सुधारमा चीनले विश्वका जनतालाई जिम्मेवारीवोध जवाफ दिइसकेको छ। साथै कार्बन पीक तथा कार्बन तटस्थसम्बन्धी बचनबद्धताको व्यवहार गर्दै चीनले पनि जिम्मेवारीवोध देखाएर मानव भाग्य समुदायतर्फ अगाडि जानेछ।