अक्टोबर ३१ तारिख विश्व मितव्ययिता दिवस हो। यो सन् १९२४मा पहिलो अन्तर्राष्ट्रिय बचत बैंक सम्मेलनले विश्वको साझा लगनशीलता र मितव्ययितालाई अगाडि बढाउन यो दिवस स्थापना गरेको हो। करीब एक सय वर्षयता लगनशीलता र मितव्ययिता विश्वव्यापी विषय बनिसकेको छ।

प्राचीन कालदेखि नै लगनशीलता र मितव्ययिता चीनको सद्गुण हो। “लगनशीलता सबैभन्दा ठूलो सद्गुण हो” भन्ने कुराले चिनियाँ राष्ट्रको मूल्य अभिमुखीकरण र नैतिकता प्रवाह देखाएको छ। प्राचीन कालका चिनियाँले भनेको “लगनशीलताले देशलाई समृद्ध बनाउनसक्छ, विलासिताबाट देश विघटन हुनसक्छ” इतिहासको चेतावनी बनेको छ।

नयाँ चीनको स्थापना भएयता चीनका नेताहरूले चीनको लगनशीलता र मितव्ययिताको परम्परामा उच्च महत्व दिनुभयो। चिनियाँ कम्युनिष्ट पार्टीको अठारौं महाधिवेशन यता चीनका सर्वोच्च नेता सी चिनफिङले अनेकौं अवसरहरूमा लगनशीलता र मितव्ययिता दोहोर्‍याउनुभयो र   खाना खेर जाने अवस्थालाई अन्त्य गर्न धेरै पटक जोड दिनुभयो। उहाँकाअनुसार, हाम्रो देश कस्तो स्तरको विकास भएको, जनताको जीवन स्तर कसरी सुध्रिएको,  लगनशीलता र मितव्ययिताको विचार त्याग्न सकिँदैन। सी चिनफिङले समाजका लागि नमूना खडा गर्नुभयो। उहाँले विभिन्न क्षेत्रमा निरीक्षणकाम दौरान लगनशीलता र मितव्ययितामा महत्व दिनुभयो। उहाँले क्वाङ तोङ प्रान्तमा निरीक्षण गर्दै बफेट खानुभयो, ह पै प्रान्तमा निरीक्षण गर्दै ठूलो भाँडामा पकाइएको साग खानुभयो, फु चेन प्रान्तीय कुथ्येनमा रातो रंगको भात र फर्सी सूप खानुभयो।

वास्तवमा चीनको सामाजिक निर्माणमा लगनशीलता र मितव्ययिता  आधिकारिक क्षेत्रबाट सर्वसाधारणसम्मको विभिन्न क्षेत्रमा देखिएको छ।

सन् २०१३ नोभेम्बर १८ तारिख चीनले “चिनियाँ कम्युनिष्ट पार्टीका विभागहरू र राष्ट्रिय प्रशासनिक विभागहरूले लगनशीलता लागू गर्ने र खेर फाल्ने विरोध गर्ने सन्धि”को कार्यान्वयन गरेको थियो। उक्त सन्धितअनुसार, विभिन्न विभागको शुल्कको व्यवस्थापन, सार्वजनिक कुराको स्वागत, स्रोत साधनको किफायतको व्यवस्थापना गरिएको छ। सन् २०२० चिनियाँ केन्द्रिय सरकारको सार्वजनिक मामिलासम्बन्धी खर्च सन् २०११ को तुलनामा दुई तिहाइ अर्थात् करिब ६ अर्ब ३० करोड युआनले घटेको छ। बचत गरिएका सबै रकम र स्रोतहरू सामाजिक प्रत्याभूति, चिकित्सा सेवा, शिक्षालगायत जनजीवन क्षेत्रमा लगाइएको छ। सरकारले  मितव्ययीता गरेका कारण जनताको अझ समृद्ध जीवन बिताएका छन्।

चिनियाँ सर्वसाधारणको मनमा लगनशीलता र मितव्ययिताको अवधारणा ज्यादै गहिरो रूपमा छापिएको छ। चिनियाँ रेस्टुरेन्टमा "प्लेटमा पूरै खाना खाउँ, मबाटै सुरु गरौं" भन्ने नारा जताततै टाँसिएको छ, त्यसैले तरकारी र खाना त्याग्ने मान्छे कम बन्दैछन्। शहरमा झन् झन् बढी मानिसहरूले गाडी चलाउन छोडेर सार्वजनिक यातायात र साइकलजस्ता हरित यात्रा शैली छानेका छन्। कारखानामा उच्च ऊर्जा खपत र अस्पष्ट सञ्चालन भएका उद्यमहरू क्रमशः प्रविधिको नवीनता र स्रोत वचतयुक्त प्राविधिक उद्यमसम्ममा रूपान्तरण गरेका छन्। सम्पूर्ण चिनियाँ समाज उत्पादन, वितरण र उपभोग आदि क्षेत्रबाट संरक्षणमुखी समाजमा रूपान्तरण गरिरहेको छ।

पृथ्वी हामी मानवजतिको साझा घरआवास हो। लगनशीलता र मितव्ययिता पृथ्वीमा रहेका हरेक राष्ट्र र देशसँग सम्बन्धित छ। हाल विश्वव्यापी जनसंख्या लगभग ७ अर्ब ६० करोड पुगेको छ। खाद्यान्न अभाव, जलवायु परिवर्तन, ऊर्जा श्रोतको संकट आदि समस्याहरू अझै जारी रहेका छन्। मानव भाग्य समुदायको तर्फबाट पृथ्वीको श्रोत पाउन र प्रयोग गर्न  संयमित हुनुपर्छ। लगनशीलता र मितव्ययिता भन्ने परम्पराको कार्यान्वयन गर्दैआएको चीनले नयाँ युगमा मानव भाग्य समुदायको निर्माण अवधारणालाई व्यवहारमा उतारिरहेको छ। चीनले विश्वका विभिन्न देशहरूसँग मिलेर व्यावहारिक कार्यमार्फत् मानवजातिको साझा पृथ्वीको सुरक्षा गर्ने इच्छा राखेको छ।