राष्ट्राध्यक्ष सी चिनफिङद्वारा “प्यालेष्टाइन जनताप्रति समर्थित अन्तर्राष्ट्रिय दिवस” सम्मेलनका लागि सन्देश
2021-11-30 16:08:57CRI
Share with:

संयुक्त राष्ट्र संघले २९ तारिख “प्यालेष्टाइन जनताप्रति समर्थित अन्तर्राष्ट्रिय दिवस” सम्मेलनको आयोजना गरेको छ। चीनका राष्ट्राध्यक्ष सी चिनफिङले उक्त सम्मेलनलाई सन्देश पठाउनुभएको छ।

राष्ट्राध्यक्ष सीका अनुसार, प्यालेष्टाइन मामिला मध्य-पूर्व क्षेत्रीय मामिलाको केन्द्र हो। प्यालेष्टाइन मामिलाको चौतर्फी, निष्पक्ष तथा दीर्घकालीन समाधान, प्यालेष्टाइन र इजरेलको शान्तिपूर्ण सहअस्तित्व, अरब र यहूदीको साझा विकास तथा क्षेत्रीय स्थिरताको लक्ष्यसँग विभिन्न देश तथा जनताको साझा अपेक्षा रहेको छ। प्यालेष्टाइन मामिलाको समाधान गर्न उचित सिद्धान्त तथा दिशाको पालना गर्नुपर्छ। अन्तर्राष्ट्रिय जगतले वस्तुनिष्ठ र निष्पक्ष रूपमा सहिष्णुता र समझदारीको प्रस्ताव गरी म्याड्रिड शान्ति सम्मेलनको ३०औँ वार्षिकोत्सवमार्फत् दुई पक्षबीचको “दुई देश योजना” आधारित समान वार्ता पुनःशुरू गर्न सहयोग गर्नुपर्छ। त्यसका साथै कोभिड-१९ महामारीको प्रतिरोधमा प्यालेष्टाइन जनतालाई निरन्तर रूपमा सहयोग दिएर प्यालेष्टाइनको अर्थतन्त्र तथा जनजीवन र मानवीय अवस्थाको सुधार गर्नुपर्छ।

चीनले प्यालेष्टाइन मामिलामाथि उच्च महत्व दिँदै राष्ट्रिय वैधानिक अधिकार तथा हित पुनःप्राप्त गर्ने उचित कार्यलाई सुदृढताका साथ समर्थन गर्ने राष्ट्राध्यक्ष सीले प्रकट गर्नुभएको छ।