चीनका राष्ट्राध्यक्ष सी चिनफिङले १८ तारिख साँझ अमेरिकी राष्ट्रपति जो बाइडेनसँग भिडियो वार्ता गर्नुभएको थियो।

राष्ट्राध्यक्ष सी चिन फिङले गत नोभेम्बरमा पहिलो "भर्चुअल बैठक" यता अन्तर्राष्ट्रिय परिस्थितिमा नयाँ र ठूलो परिवर्तन भएको कुरा औंल्याउनुभयो। उहाँले शान्ति र विकास युगको विषयवस्तुले गम्भीर चुनौतीहरूको सामना गरिरहेको र विश्व अशान्त रहेको बताउनुभयो। उहाँले युक्रेन संकट हेर्न नचाहेको बताउँदै राज्य–राज्यबीचको सम्बन्ध द्वन्द्वको चरणमा जान नसक्ने, द्वन्द्व र टकराव कसैको हितमा नहुने र शान्ति सुरक्षा अन्तर्राष्ट्रिय समुदायको सबैभन्दा बहुमूल्य सम्पदा भएको बताउनुभयो। संयुक्त राष्ट्र संघ सुरक्षा परिषद्को स्थायी सदस्य र विश्वका दुई ठूला अर्थतन्त्र भएकाले चीन-अमेरिका सम्बन्धको विकासलाई सही बाटोमा डोर्याउनु मात्र नभई विश्व शान्तिका लागि उचित अन्तर्राष्ट्रिय जिम्मेवारी पनि वहन गर्नुपर्नेमा राष्ट्राध्यक्ष सीले जोड दिनुभयो।