गत हप्ता अमेरिकी द फेडरल रिजर्भले व्याजलाई बढाउने घोषणा गरेको थियो। त्यसको उद्देश्य चर्को मुद्रा नीतिमार्फत् विगत ४० वर्षयता नयाँ उचाईमा पुगेको मुद्रास्फीतिको सामना गर्नु हो। जसबाट विश्व अर्थतन्त्र र बैंकिङ बजारमा फेरि प्रभाव पार्ने चिन्ता अन्तर्राष्ट्रिय समाजले गरेको छ।

यसअघि अमेरिकाको शून्य व्याज र खुला मुद्रा नीतिको कारण विश्वका मालसामानहरुको भाउ तीव्र रुपमा बढेको थियो। हाल अमेरिकाले यस नीतिमा ठूलो परिवर्तन गरेको छ। जे होस्, अमेरिकाले अमेरिकी डलरको प्रभुत्ववाद अपनाएर विश्वलाई आफ्नो संकट स्थानान्तरण गरेको छ। जसले महामारीपछि विकास भइरहेका नवोदित आर्थिक समूहमा ठूलो प्रभाव ल्याएको छ।

एकातिर द फेडरल रिजर्भले व्याजलाई बढाउने कुराबाट अमेरिकी डलरबाट हिसाब गर्ने सम्पतिको आकर्षण बढेको छ। नवोदित मुलुकहरुको बजारको पूँजी बाहिरिने तथा तिनीहरुको मुद्राको भाउ घट्ने जोखिम रहेको छ र ती मुलुकहरुको ऋण सम्बन्धी जोखिम बढ्ने छ। अर्कातिर, अरु मुलुकहरुको मुद्राको भाउ घटेपछि ती मुलुकहरुका नागरिकहरुले किनमेल गर्ने क्षमता कमजोर बन्ने छ, जसबाट विकासोन्मुख मुलुकहरुको आर्थिक विकास प्रक्रिया रोकिने छ।

अमेरिकी आर्थिक स्थिति अप्ठ्यारो मोडमा रहँदा वाशिन्टनका केही राजनीतिज्ञहरुले हिलो छ्याप्ने पुरानो खेल खेलेर अन्तर्विरोधलाई अरु देशमा सार्नखोजेको कुरा नै ध्यान दिनुपर्ने कुरा हो। जुन अमेरिकी नागरिकहरुप्रति मात्र नभई विश्वप्रति नै गैरजिम्मेवारीपन हो।