युएसए अर्थात युनाइटेड स्टेट्स अफ अमेरिका विश्वमा सबैभन्दा बलियो अर्थव्यवस्था, वैज्ञानिक अनुसन्धानको उच्चतम स्तर, सबैभन्दा पर्याप्त चिकित्सा साधन भएको मुलुक हो। सबै मानिस समान मानिने देश निर्माण आधारबाट विश्वका विभिन्न क्षेत्रका मानिसलाई आकर्षण गरिएको थियो। तर मानिसले छिटै थाहा पाए, तथाकथित समान र स्वतन्त्रता झूटो मात्र हो।

सन् २०२० को सुरूमा कोभिड-१९ विश्वमा फैलिन थालेको थियो। सोहि वर्षको मार्चको अन्तमा अमेरिकी सरकारले अनुमान गरेको थियो कि अमेरिकामा १ लाखदेखि २ लाख ४० हजार जनासम्म कोभिड १९ महामारीबाट मृत्यु हुने छ यदि कुनै कदम नचालेमा मृतकको संख्या १५ लाखदेखि २२ लाखसम्म पुग्ने छ। २ वर्षपछि, आज उक्त संख्या १० लाख नाघिसकेको छ साथै संक्रमितको संख्या पनि १० करोड पुग्दैछ। पछिल्ला तथ्याङ्कका अनुसार, विश्वमा महामारी संक्रमण भएको संख्या ५० करोडभन्दा बढी पुगेको छ भने मृत्यु हुनेको संख्या ६० लाखभन्दा बढी पुगेको छ। अर्को शब्दमा भन्नुपर्दा संक्रमण संख्या होस् वा मृतकको संख्याको हिसाबमा अमेरिका विश्वमा ६ भागमा १ भागको अवस्थामा पुगेको छ। तर अमेरिकाको जनसंख्या विश्वको ४ प्रतिशत मात्र छ। अमेरिकी होप्किन्स् विश्वविद्यालयको स्वास्थ्य सुरक्षा केन्द्रका वरिष्ठ विद्वान अडाल्जाका अनुसार, यदि उचित कदम चालिएको भए अमेरिकामा यति धेरै मानिसको मृत्यु हुने थिएन। समग्र रूपमा सबैभन्दा शक्तिशाली भए तापनि आवश्यक कदम नचाल्दा महामारी नियन्त्रणमा सबैभन्दा असफल मुलुक बनेको छ, किन？पुँजी नै हो।

महामारी फैलिएको सुरूको अवस्थामा अमेरिकाको शेयर बजार धेरै पटक उग्र रूपमा उतारचढाव भएको थियो। पुँजी बजारलाई बचाउन अमेरिकी सत्तारूढले अभूतपूर्व कदम चालेको थियो। फेडरल रिजर्भले अतिरिक्त-सामान्य मुद्रा जारी गर्ने कदम चालेको थियो, साथै अमेरिकी सरकार र कांग्रेसले विभिन्न उद्धार बिल पारित गरेको थियो भने छोटो समयमा जारी गरिएको मुद्राको मात्रा दशौँ खर्ब अमेरिकी डलर पुगेको थियो। ती पैसा अमेरिकी शेयर बजारमा प्रवाह गरिएको थियो र ठूलो मात्रामा पुँजी र वित्तीय सम्पत्ति भएका धनी समूहलाई अझै धनी बनाएको थियो। तथ्याङ्कका अनुसार, सन् २०२० को मार्चदेखि सन् २०२१ को जनवरीसम्म ६०० भन्दा बढी अमेरिकी अर्बपतिको कूल सम्पत्ति मात्रा २९ खर्ब ४७ अर्ब अमेरिकी डलरदेखि ४० खर्ब ८५ अर्ब अमेरिकी डलरसम्म बढेको छ भने वृद्धि दर ३८.६ प्रतिशत पुगेको छ।

यसको ठ्याक्कै विपरित निकै धेरै कम आय भएका समूहसमक्ष बेरोजगारी, गरिबी र संक्रमणको उच्च जोखिम देखिएको छ। कोभिड १९ संक्रमित हुनेहरू अधिकाँश गरिब र वृद्धवृद्धा छन् साथै कमजोर समूह न्युक्लिक एसिड परीक्षण गर्न पनि कठिन अवस्थामा देखिन्छन्। एक रिपोर्टका अनुसार, अमेरिकामा चिकित्सा विमा नभएको एक कोभिड १९ संक्रमितले उपचार गराउन दशौँ हजार अमेरिकी डलर तिर्नुपर्छ। गाल्लुप कम्पनीले गरेको अध्ययन अनुसार, अमेरिकामा औसत रूपमा प्रत्येक सात जनामा एक जना उच्च चिकित्सा बिल तिर्न असमर्थ देखिन्छ र संक्रमण लक्षण देखिए तापनि चिकित्सा उपचार खोज्न सक्दैन। जसबाट अमेरिकामा महामारी नियन्त्रण विफल अवस्थामा पुगेको छ। अमेरिकी अर्थशास्त्री पोल क्रुगमानले महामारी विज्ञान वा अर्थतन्त्रको हिसाबले अमेरिकाको महामारी नियन्त्रण विफल भएको बताउनुभयो।

एकातिर लागतको वेवास्ता गरी पुँजी जोगाउन लागेको छ भने अर्कोतिर महामारी उपचार गर्दा धनी गरिबीबीच भिन्नता देखिएको छ। यसबारे एक अमेरिकी नेताले यस्तो व्याख्या गरेका थिए कि यो त जीवन हो। पुँजीले सबैलाई नेतृत्व गर्छ, पुँजीले सबैलाई नाघेको छ, ज्यान पनि। यो नै अमेरिका हो, युएसए होइन, तर युएससी हो, युनाइटेड स्टेट्स अफ क्यापिटल।

अझै रोचक कुरा के हो भने मानवअधिकारबारे सबैभन्दा बढी चर्चा गर्ने यो युएससी नै हो।