चिनियाँ राष्ट्राध्यक्ष सी चिनफिङले मे १४ तारिख युनाइटेड अरब इमिरेट्सका नव निर्वाचित राष्ट्रपति मोहम्मद बिन जायद अल नाहयानलाई बधाई सन्देश पठाउनुभएको छ।
राष्ट्राध्यक्ष सीले चीन र युनाइटेड अरब इमिरेट्स बीचको दौत्य सम्बन्ध स्थापना यता दुई देश बीचको सम्बन्धको चौतर्फी तथा गहन रुपमा विकास हुँदै आएको र दुई देशका जनताबीचको मित्रता दिन प्रतिदिन गहन हुँदै आएको औंल्याउनुभयो। चीन र युनाइटेड अरब इमिरेट्सबीचको दौत्य सम्बन्धको विकासलाई उच्च महत्व दिएको बताउँदै सीले राष्ट्रपति मोहम्मदसँगै मिलेर चीन - युनाइटेड अरब इमिरेट्स चौतर्फी रणनीतिक साझेदारी सम्बन्धलाई अरु गहन पार्ने र दुई मुलुक तथा दुई मुलुकका जनतालाई हित कल्याण सिर्जना गर्ने इच्छा लिएको पनि व्यक्त गर्नुभयो।