बेइजिङलगायत चीनका विभिन्न सहरमा पछिल्लो समय ओमिक्रोन भाइरसले आतङ्क मच्चाएको छ। वैज्ञानिकका अनुसार यो भाइरसको प्रसार र प्रभाव तीन दिनभित्रमा देखिन्छ। यही अनुरूप चीन सरकारले हाल आमजनताको न्युक्लिक एसिड परीक्षणलाई तीव्रता दिएको छ। कुनै ठाउँ, क्षेत्रमा नयाँ कोरोनाभाइरस सङ्क्रमित देखिसाथ नै त्यस क्षेत्र र उक्त सङ्क्रमितको सम्पर्कमा रहेकाहरूको न्युक्लिक एसिड परीक्षण गर्ने गरिन्छ।

हाल, विविध पेशा तथा सार्वजनिक यातायातलाई मध्यनजर गरी ४८ र ७२ घण्टा समयावधिसम्मको परीक्षणलाई मान्यता दिएको छ। यसकारण कम्युनिटीमा नै निःशुल्क परीक्षणको व्यवस्था गरिएको छ।

यस बाहेक, सडक र गल्ली गल्लीमा पनि परिक्षणको व्यवस्था मिलाइएको छ। एउटा सानो पोर्टेबल घर जस्तो देखिनेमा आवश्यक प्रबन्धको व्यवस्था मिलाइएको छ, जसलाई मोबाइल स्याम्प्लिङ टेस्ट युनिट भनिन्छ। यसले कामकाजमा जाने व्यस्त मानिसका साथै आममानिसलाई सुविधा दिएको छ। साथै, यसरी परीक्षण गराउँदा आफू सङ्क्रमित भए नभएको थाहा पाउनुकासाथै सरकारको महामारी रोकथाम तथा नियन्त्रणको प्रयासमा ठूलो सहयोग पुगेको छ।

Video by #AjayaAloukik

www.facebook.com/AjayaAloukik/