चिनियाँ राष्ट्राध्यक्ष सी चिनफिङले आज जुन २३ तारिख बेलुका पैचिङमा ब्रिक्स मुलुकका नेताहरुबीचको १४ औं भेट-वार्ताको अध्यक्षता गर्नुभएको छ।
राष्ट्राध्यक्ष सीले विगत एक वर्षको पुनरावलोकन गर्दा कोरोना महामारी जताततै फैलिएको छ भने विश्व अर्थतन्त्रको पुनरूत्थान मन्द गतिले भएको छ र शान्ति तथा सुरक्षा समस्या अरु स्पष्ट रहेको बताउनुभयो। गम्भिर र जटिल स्थितिको सामना गर्दै हामीले खुला, समावेशी, सहयोगात्मक र साझा जीत भएको ब्रिक्स भावना कायम राखेर हातमा हात मिलाएर कठिनाईको समाधान गरेका छौं। ब्रिक्स व्यवस्थाले जीवन्त शक्ति देखाएको छ भने ब्रिक्स मुलुकहरु बीचको सहयोगमा सक्रिय प्रगति र उपलव्धि हासिल भएको पनि राष्ट्राध्यक्ष सीले औंल्याउनुभयो।
राष्ट्राध्यक्ष सीले यस पटकको भेट वार्ता मानव समाज कहाँ जाने निर्णायक घडीमा रहेको भन्दै महत्वपूर्ण नवोदित बजार मुलुक र विशाल विकासशील मुलुकको रुपमा ब्रिक्स मुलुकहरुले साहस लिएर जिम्मेवारी वहन गरी विश्वलाई सक्रिय, स्थिर र रचनात्मक शक्ति पुर्याउनुपर्ने कुरामा जोड दिनुभयो।
पहिलो, हामीले निष्पक्ष र न्यायिक आवाज उठाउनुपर्छ, अन्तर्राष्ट्रिय समाजलाई साँचो बहुपक्षीयतावादलाई व्यवहारमा उतार्नुपर्छ, संयुक्त राष्ट्र संघलाई केन्द्रमा राखिने अन्तर्राष्ट्रिय प्रणाली र अन्तर्राष्ट्रिय ऐनमा आधारित अन्तर्राष्ट्रिय अनुशासनको संरक्षण गर्नुपर्छ, शीत युद्ध सम्बन्धी विचार र समूह बीचको द्वन्द्वलाई पन्छाउनुपर्छ, एकतर्फी रुपमा अरुलाई नाकाबन्दी र नाकाबन्दीको दुरुपयोगको विरोध गर्नुपर्छ, मानव जातिको साझा भाग्य समूदायको “ठूलो परिवार”बाट प्रभूत्ववादको “सानो समूह” नाघ्नुपर्छ।
दोस्रो, हामीले महामारीलाई जित्ने विश्वासलाई सुदृढ पार्नुपर्छ। हामीले जनता र जीवनमा लागि जिम्मेवारी लिने धारणा लिँदै महामारी नियन्त्रण र प्रतिरोधात्मक कदम चालेर महामारी प्रतिरोधात्मक अन्तर्राष्ट्रिय सहकार्यलाई सबल पारी सँगै मिलेर मानव जातिको जीउज्यान र स्वास्थ्यको संरक्षण गर्नुपर्छ।
तेस्रो, हामीले आर्थिक पुनरूत्थान हुने विभिन्न किसिमका शक्तिलाई जम्मा पारी समष्टिगत र नीतिगत समन्वयलाई मजबुत पारी व्यवसाय लाईन र आपूर्ति लाईनको सुरक्षालाई प्रत्याभूति दिलाउनुपर्छ। हामीले खुलस्त विश्व अर्थतन्त्रको स्थापना गर्नुका साथै विश्व विकास सामु देखा परेका ठूल्ठूला खतरा र चुनौतीको प्रतिरोध अझ विशेषगरी त्यसलाई मेटाएर अझ सहिष्णु र लचिलो आर्थिक बृद्धिलाई साकार तुल्याउनुपर्छ।
चौथो, हामीले दिगो विकासलाई अघि बढाउनुका साथै जनता केन्द्रित हुने विकास विचारधारालाई कायम राखी गरिबी निवारण, खाद्य पदार्थ, शिक्षा र स्वास्थ्य आदि क्षेत्रतर्फको लगानीलाई बढाउँदै संयुक्त राष्ट्र संघको सन् २०३० दिगो विकास कार्यसूचीलाई व्यवहारमा उतारेर अझ सशक्त, हरित र स्वस्थ विश्व विकासलाई साकार तुल्याउनुपर्छ।
विभिन्न पक्षसँगै मिलेर उच्च गुणस्तरीय साझेदारी सम्बन्धको स्थापना गर्ने र विश्व विकासको नयाँ युगको सिर्जना गर्ने भन्ने मुख्य नारा बमोजिम गहन रूपमा वैचारिक आदानप्रदान गरी ब्रिक्स सहकार्यको उच्च गुणस्तरीय विकासका लागि बुद्धिको योगदान गर्दै जान आफु इच्छुक रहेको कुरा पनि राष्ट्राध्यक्ष सीले औंल्याउनुभएको छ।
