चीनका राष्ट्राध्यक्ष सी चिनफिङले जुलाई ९ तारिख जापानका पूर्व प्रधानमन्त्री सिन्जो अबेको निधन भएकोमा जापानका प्रधानमन्त्री फुमियो किशिदामार्फत् समवेदना सन्देश गर्नुभएको छ। 

सी चिनफिङले चीन सरकार, चिनियाँ जनता र व्यक्तिगत रुपमा पनि पूर्व प्रधानमन्त्री सिन्जो अबेको हत्याप्रति श्रद्धान्जली व्यक्त गर्नुका साथै उहाँका आफन्तजनप्रति समवेदना प्रकट गर्नुभएको छ।   

सीले पूर्व प्रधानमन्त्री सिन्जोको कार्यावधिमा चीन र जापानको सम्बन्धको सुधारका लागि प्रयास गर्दै योगदान दिएको स्मरण गर्नुभयो। साथै सीले प्रधानमन्त्री फुमियो किशिदासँग मिलेर चीन र जापानका चार वटा राजनीतिक दस्तावेजमा निश्चित गरिएको विभिन्न सिद्धान्तबमोजिम चीन र जापानको असल छिमेकी र मैत्रीपूर्ण सहयोगात्मक सम्बन्धको निरन्तर रुपमा विकास गर्ने कुरामा जोड दिनुभयो।

सोही दिन राष्ट्राध्यक्ष सीकी श्रीमती फङ ली युआनले पनि सिन्जोकी श्रीमती अकी अबेलाई समवेदना सन्देश पठाउनुभएको छ।