केही वर्षअघिदेखि आशियान मुलुकका धेरै साथीहरुले चीनको क्वाङ सी प्रान्तको नान निङ शहरलाई आफ्नो नयाँ बास स्थान बनाउन थालेका छन्। क्वाङ सी विश्वविद्यालयको थाइल्याण्डेली भाषाकी शिक्षिका चिन या ली पनि तिनीहरूमध्येकी एक हुन्। तेह्र वर्षअघि उनले चीनमा नै आफ्नो परिवार पनि बनाएकी थिइन्। अहिले उनले आफ्नो कामको विकास सँगसँगै चीनको परिवर्तनको पनि अनुभव गरिरहेकी छिन्।

नमस्कार। मेरो नाम चिन या लि हो। म थाइल्याण्डको उडोन थानीबाट आएकी हुँ। चीन आएको तेह्र वर्ष भइसक्यो। म यहाँ विश्वविद्यालयमा थाइल्याण्डेली भाषा पढाउने गर्छु।

राम्रो चिनियाँ भाषा बोल्ने चिन या ली एक थाइल्याण्डेली नागरिक हुन् भनेर कसले भन्न सक्छ र? चिन या ली थाइल्याण्डको उत्तर पूर्वी भागमा रहेको उडोन थानीबाट आएकी हुन्। अहिले उनी क्वाङ सी विश्वविद्यालय अन्तर्गत विदेशी भाषा इन्स्टिच्युटमा थाइल्याण्डेली भाषाकी एक जना शिक्षिका हुन्। पहिलो पटक कक्षा कोठामा चिनियाँ विद्यार्थीहरुलाई पढाउँदा उनलाई लाज लागेको थियो।

म नान निङ आउँदाखेरी मेरा विद्यार्थीहरु मभन्दा एक दुई वर्ष मात्र कान्छो थिए। त्यति खेर मलाई अलिकति पनि चिनियाँ भाषा बोल्न आउँदैन थियो। त्यसपछि मैले मेरा विद्यार्थीहरुलाई साथीको रुपमा व्यवहार गरेँ। उनीहरुलाई पढाउँदा उनीहरुले मलाई धेरै सम्मान गरे।

थाइल्याण्डेली भाषा पढाउँदा चिन या लीले विद्यार्थीलाई राम्रोसँग बुझाउन सक्दो कोसिस गर्छिन्। उदाहरणका लागि उनले सधैँ थाइल्याण्डको आफ्नो बसाइ अनुभव विद्यार्थीहरुसँग बाँड्ने गर्छिन्। उनीहरुले थाइल्याण्डको संस्कृतिबारे अरु बढी जानकारी पाएका छन् र थाइल्याण्डलाई अरु बढी मन पराउन सहयोग मिलेको छ। उनका एक जना विद्यार्थी लु च्या यी यसरी भन्छिन्,

कक्षामा गुरु चिनले हामीलाई नजानेको कुरा सोध्न प्रोत्साहन गर्छिन्, जसबाट हाम्रो आत्मविश्वास तथा साहस बढेको छ।

शुरुमा नान निङ आउँदा थाइल्याण्डेली भाषा सिक्ने चिनियाँहरु कम थिए। थाइल्याण्डबारे चिनियाँहरुको जानकारी पनि थोरै रहेको चिन या लीले पाएकी थिइन्। तथापि चीन र आशियान बीचका आदान प्रदान तथा सहयोग दिन प्रतिदिन बढ्दै गएको सिलसिलामा चीन-आशियान एक्स्पो हरेक वर्ष नान निङमा आयोजना हुँदैआएको छ। यसका साथै “क्षेत्रीय सर्वतोमुखी आर्थिक साझेदारी सम्बन्ध सम्झौता” को औपचारिक रुपमा कार्यान्वयन भएपछि नान निङको बजारमा थाइल्याण्डका फलफूल र खानेकुराहरु बढ्दै आएको परिप्रेक्षमा थाइल्याण्डेली रेस्टुराँहरु पनि नान निङमा जताततै देखा परेका छन्।

चिन या लीले चीनमा बसेर धेरै वर्षदेखि काम गर्दै आएकी छिन्। साथै उनले चिनियाँ भाषा सिक्न धेरै कोसिस गरेकी छिन्। उनी चीनको प्राचीन कालका कवितालाई धेरै मन पराउँछिन्। चीनको थाङ वंशका कवि ली पाईको कविता “शान्त रातमा आफ्नो सोच विचार” पढ्दा उनी आफ्नो जन्मथलोको सम्झना गर्छिन्।

हरेक पटक यो कविता सुन्दा म आफ्नो जन्मथलो सम्झन्छु। चीनको थाङ वंशका कवि मलाई थाइल्याण्डका एक कवि जस्तै लाग्छ। उनीहरु रक्सी खाने वित्तिकै कविता रचना गर्न सिपालु थिए।

चिन या लीका श्रीमान क्वाङ सीबासी हुन्। अहिले उनीहरु नान निङमा खुसीका साथ बसोबास गर्छन्। चिन या लीसँग चीनको विशाल परिवर्तनको पनि अनुभव छ।

पहिले नगदबाट किनमेल गर्थेँ, तैपनि अहिले मोबाइलबाट पैसा तिर्न मिल्छ। घरबाट निस्कँदा भूमिगत रेल तथा एक्सप्रेस रेल छन्, जहाँ जान पनि सुविधाजनक छ। चीनको विकास निकै गतिशील छ। मलाई यस्तो तीव्र जीवन मन पर्छ।