इसा अल्टम्यान खर्चको बारेमा धेरै चिन्ता नगरी आफूले चाहेको खानेकुरा खान पाएकोमा गर्व गर्थिन्। जब उनी हुर्कदै थिइन् तब उनका वैकल्पिक खानेकुराहरू घट्दै गए। ‘आमासँग हरेक हप्ता बजेट हुन्थ्यो तर उहाँ त्यसमा अड्कनुभयो, उनले भनिन्। "जति उमेर बढ्दै गयो र आर्थिक रूपमा आत्मनिर्भर भएँ, आफूले चाहेको खानेकुरा खान पाउनु मेरो लागि सफलताको संकेत हो," उनले थपिन्।

अल्टम्यान र उनकी श्रीमती अस्टिन टेक्सासमा आफ्ना तीन बच्चाहरुसँग बस्छन्। हाल तिनीहरू प्रायः एकजनाको आम्दानीमा निर्भर छन्। तिनीहरूको कम आय, मुद्रास्फीतिको साथमा, तिनीहरूको वित्तमा प्रहार गरेको छ।

आर्थिक मन्दीका कारण उनीहरूको खाने तरीकामा आमूल परिवर्तन भएको छ। यस्ता ठूला परिवर्तनहरू सामना गर्नेमा अल्टम्यान मात्रै एक्लै छैनन्। सीएनएनले पाठकहरूलाई कसरी मुद्रास्फीतिले उनीहरूको खाने बानीमा असर गरेको छ भनेर सर्वेक्षण गरेको थियो। जसमा धेरैले कम खाना खाने, कम मासु किन्ने बताए भने कतिपयले भविष्यप्रति निकै चिन्तित रहेको बताएका छन्।