थाइल्याण्डकी युवती थाई लुलु सन् २०१० देखि चीनमा बस्दैआएकी छिन्। विगत केही वर्षयता उनले अन्तर्राष्ट्रिय इ-व्यापारको सुअवसर छोपेर गतिशिलताका साथ स्वरोजगारी गर्दै आएकी छिन्। उनले चीनको विकासबाट फाइदा प्राप्त गर्नुका साथै चीनमा आफ्नो सपना पूरा गरेकी छिन्।

हिजोआज थाई लुलु साथीहरुसँग मिलेर संचालित दुरियान व्यापारमा व्यस्त छिन्। उनको टोलीका सदस्यहरुको निश्चित जिम्मेवारी छन्। कोहीले थाइल्याण्डका आपूर्तिकर्ता किसानहरुसँग सम्पर्क गर्छन् भने कोहीले चीनमा दुरियान बेच्छन्। दुरियान बेच्नका लागि उनीहरुले “प्रत्यक्ष प्रसारण” भन्ने तरिकालाई प्राथमिकता दिएका छन्।

सन् २०१० मा थाई लुलुले चीन सरकारको छात्रवृत्ति प्राप्त गरेपछि नान निङमा अवस्थित क्वाङ सी विश्वविद्यालयमा अध्ययन गर्न थालेकी थिइन्। उनले स्नातकोत्तर डिग्री र डाक्टर डिग्रीसमेत प्राप्त गरेकी छिन्। त्यसपछि उनी क्वाङ सी विश्वविद्यालयमा शिक्षिका बन्नुका साथै चीन-आशियान अर्थतन्त्रको अध्येता भइन्। चीन आउनु कारणको चर्चा गर्दा उनले आफ्ना बुवालाई धन्यवाद दिन चाहिन्,

त्यस बेला मेरा बुवा चीनबाट फर्कनुभएको थियो। उहाँले भविष्यमा चीन र आशियान बीचको सम्बन्ध अरु घनिष्ठ हुने मलाई बताउनुभयो। उहाँले मलाई चीनमा अध्ययन गर्न पठाउने इच्छा व्यक्त गर्नुभयो।

थाई लुलु चीनमा आएपछि नान निङमा मात्र ६ पटक चीन-आशियान एक्स्पो आयोजना भएको छ। चीन र आशियान बीच विभिन्न क्षेत्रमा रहेको सहयोग निरन्तर रुपमा गहन हुँदै आएको परिप्रेक्षमा आशियानका अरु बढी मानिसहरु नाङ निङमा काम गर्न अथवा पढ्न आएका छन्। नाङ निङको छिटो विकास र सुविधाजनक जीवनबारे चर्चा गर्दै उनी भन्छिन्,

वर्तमान नान निङमा भूमिगत रेल, शेरिङ साइकल, थाइल्याण्डसम्म सिधा उडान पनि छ। नान निङको सम्पूर्ण वातावरण थप सुविधाजनक र अन्तर्राष्ट्रियकरण भएको छ।

सन् २०२० मा कोरोना महामारीको प्रभावमा थाई लुलुले प्रत्यक्ष प्रसारणमार्फत अनलाइनमा विद्यार्थीहरुलाई पढाउन थालिन्। यसका साथै महामारीको पृष्ठभूमिमा परम्परागत अन्तर्राष्ट्रिय व्यापार गम्भिर रुपमा ठप्प भए तापनि प्रत्यक्ष प्रसारणले बजारलाई प्रेरक शक्ति दिएको उनले थाहा पाइन्।

सन् २०२१ मा थाई लुलु र उनका साथीहरूले थाइल्याण्डको दुरियान विक्री गर्न एक पटक प्रत्यक्ष प्रसारण गरिन् र ठूलो सफलता प्राप्त गरिन्। जसबाट चीनमा “प्रत्यक्ष प्रसारण” को अवसर उनले अनुभव गर्न पाइन्।

चिनियाँ बजार विशाल छ। संचालकले सम्बन्धित उत्पादक वस्तुको जानकारी दिने तरिका धेरै चिनियाँहरु स्वीकार गर्छन्। त्यसैले चीनमा उत्पादन वस्तुको राम्रोसँग विक्री गर्नसकिन्छ।

आशियान र चीन बीचको इ-व्यापारको भविष्य उज्वल हुने विश्वास लिएको कारण थाई लुलुले दुरियान सम्बन्धी आफ्नो मार्का सिर्जना गरेकी छिन्। आफ्नो व्यवहारमार्फत थाइल्याण्डका व्यवसायीहरुले चिनियाँ बजारबारे अरु बढी जानकारी लिएर विकासको नयाँ अवसर समात्नसक्ने उनले आशा गरेकी छिन्।

उदाहरणका लागि चीन र आशियान बीच क्षेत्रीय व्यापक आर्थिक साझेदारी सम्झौतामा हस्ताक्षर भएको छ। हामी बीच भूमिगत बाटो मात्र नभई रेलमार्ग पनि हुनेछ। जुन इ-व्यापार र अन्तर्देशीय व्यापारका लागि उपयोगी हुनेछ।

चालू वर्ष चीन र थाइल्याण्ड बीच सर्वतोमुखी रणनीतिक सहयोगात्मक साझेदारी सम्बन्ध स्थापना भएको १० औँ वार्षिकोत्सव हो। यस अवसरमा थाई लुलुले निर्माणाधिन थाइल्याण्ड-चीन रेलमार्ग चाँडै संचालनमा आउनसक्ने आशा गरेकी छिन्।