आन ह्वैको हाउ चौमा विश्वको सबैभन्दा ठूलो चिनियाँ जडीबुटी औषधि बजार र उत्पादन गर्ने पूर्ण श्रृंखला रहेकोले स्ट्रालसन्द कन्फ्युसियस इन्स्टिच्यूटले जर्मनीमा चिनियाँ जडीबुटी औषधि भित्र्याएपछि निवर्तमान प्रधानमन्त्री मर्केलले यसको उच्च मूल्याङ्कन गर्नुभएको सुन च्यान आन भन्नुहुन्छ,
हाम्रो कन्फ्युसियस इन्स्टिच्यूटको स्थापना भएको तेस्रो वार्षिकोत्सवको उपलक्ष्यमा आयोजित समारोहमा प्रधानमन्त्री मर्केलले हामीलाई पठाउनुभएको बधाई सन्देशमा हाम्रो कन्फ्युसियस इन्स्टिच्यूटले सामाजिक विकास र दुई मुलुकका जनता बीचको आदान-प्रदानका लागि ठूलो योगदान पुर्याएको तथा विशेष गरी चिनियाँ जडीबुटी औषधि भित्र्याइएको कुरा उठाउनुभएको थियो।
सन् १९८६ मा सुन च्यान आनले जर्मनीमा एक वर्षका लागि अध्ययन गर्नुभएको थियो। त्यसपछि उहाँले आन ह्वै ह फै इन्स्टिच्यूटमा विदेशी मामिलाको संचालन गर्दा जर्मनीका विश्वविद्यालयहरुसँग बारम्बार रुपमा भेट्नुभयो। उहाँ यस्तै अन्तर्राष्ट्रिय आदान-प्रदान दुई पक्ष बीचको जानकारीलाई बढाउन निकै फाइदाजनक रहेको ठहर गर्दै भन्नुहुन्छ,
जर्मनहरुसँग आदान-प्रदान गरेको प्रक्रियामा मैले एउटा अनुभव गरेको छु। त्यो के हो भने विगतमा जर्मनहरुले हामीसँग सहयोग गर्दा तिनीहरुले हामीलाई सघाउ पुर्याएको विचार गरेका थिए, उनीहरुको विचारमा हामीले उनीहरुसँग सिक्नुपर्ने थियो। यद्यपि दश वर्षभन्दा लामो समयसम्म हाम्रो सहकार्य भएपछि जर्मनीका प्राध्यापक र विद्यार्थीहरुले एउटा समान धारणा लिएका छन्। त्यो के हो भने जर्मनीले चीनसँग सहकार्य गरेको अथवा चीनसँग आदान-प्रदान गरेको कुराले चीनका लागि योगदान पुर्याएको मात्र होइन, बरु तिनीहरुले चीनसँग धेरै चीज सिकेका छन् र चीनबारे धेरै जानकारी लिएका छन्। त्यसैले अन्तर्राष्ट्रिय आदान-प्रदानको महत्त्वपूर्ण अर्थ रहेको छ।
सुन् च्यान आनका अनुसार, धेरै जर्मनहरुले चीनको भ्रमण गरेपछि विगतमा चीनप्रति उनीहरुको पक्षपात पूर्ण धारणा परिवर्तन गरी चीनका प्रगति र खुलापनप्रति अरु निष्पक्ष धारणा लिएका छन्। त्यसैले चीनबारे जाकारी दिने, चिनियाँ भाषाको प्रचार-प्रसार गर्ने र चीनप्रति जर्मन नागरिकहरुको चासो बढाउने पक्षमा कन्फ्युसियस इन्स्टिच्यूटको अनेकन् कार्य निकै महत्त्वपूर्ण छ। स्ट्रालसन्द कन्फ्युसियस इन्स्टिच्यूटले चीनप्रति जर्मन युवा पुस्ताको जानकारी बढाउनलाई निकै महत्त्व दिएको छ। उहाँ भन्नुहुन्छ,
स्ट्रालसन्द कन्फ्युसियस इन्स्टिच्यूटको स्थापनापछि हामीले सधैँ जर्मनीका विश्वविद्यालयमा अध्ययनरत् विद्यार्थीहरुलाई चीनको भ्रमण गराउँदै आएका छौँ। चीनको भ्रमण गरेपछि जर्मन विद्यार्थीहरु चीनको तीव्र विकास र चीनको नयाँ प्रविधि देखेर छक्क परेका छन्। अर्को कुरा भनेको चिनियाँ विद्यार्थीहरुसँग आदान-प्रदान गरेपछि तिनीहरुले चीनलाई ध्यान दिन थालेका छन्। हामीले जर्मनीको माध्यमिक विद्यालयका विद्यार्थीहरुलाई चीनमा ग्रीष्मकालीन क्याम्पमा पठाएका छौँ। तिनीहरुले जर्मनी फर्केपछि नयाँ नजरबाट चीन हेर्न थालेका छन्।
सुन च्यान आनले स्ट्रालसन्द कन्फ्युसियस इन्स्टिच्यूटले चीन र जर्मनी बीचको मानवीय आदान-प्रदानलाई अघि बढाउने क्षेत्रमा धेरै काम गर्नसक्ने छ बताउँदै चीन र जर्मनी बीचको गैर-सरकारी आदान-प्रदानले आपसी जानकारीलाई प्रबर्द्धन गर्नसक्ने अपेक्षा गर्नुहुन्छ,
चिनियाँ र जर्मन जनता बीचको आदान-प्रदानले आपसी जानकारीलाई प्रबर्द्धन गर्नसक्ने अपेक्षा हामीले गरेका छौँ, जसबाट चीन र जर्मनी बीचको मित्रतालाई गहन पार्नसकिने र यस्तो आदान-प्रदानले विश्व शान्तिका लागि अरु ठूलो योगदान पुर्याउनसक्ने छ।
