ह्वावे नेपालले आफ्नो वार्षिक औद्योगिक कार्यक्रम ‘ह्वावे कनेक्ट २०२२’ आयोजना गरेको छ। यस वार्षिक फ्ल्यागशिप कार्यक्रम ह्वावेले नेपालमा तेस्रो पटक आयोजना गरेको हो।
ह्वावे कनेक्ट २०२२ नेपाल, ह्वावेको ग्लोबल आईसीटी उद्योगका लागि वार्षिक फ्ल्यागशिप कार्यक्रमको विषयवस्तु ‘अनलीश डिजिटल’ रहेको छ जसमा देशभरका ४०० भन्दा बढी आईसीटी उद्योगका लिडर, विज्ञ र साझेदारहरूलाई कसरी डिजिटल प्रोडक्टिभिटिलाई अझ प्रभावकारी रूपमा अनलाईन गर्ने, डिजिटल इकोनोमीलाई प्रोमोट गर्ने र बलियो डिजिटल इकोसिस्टमहरू निर्माण गर्नेबारे अन्वेषण गर्ने रहेको छ।
कार्यक्रममा ह्वावेले विभिन्न उद्योगहरूमा डिजिटल विकासलाई अगाडि बढाउन चालेका कदमहरू सेयर गरेको थियो। कार्यक्रमको सुरुवात गर्न ह्वावे एशिया प्यासिफिक इन्टरप्राइज बिजनेस ग्रुपका अध्यक्ष निकोलस माले क्षेत्रीय डिजिटल रूपान्तरण प्रगतिको अन्तरदृष्टि सेयर गर्दै र ह्वावे र इको(पार्टनरहरूले डिजिटल अर्थतन्त्रमा नेपाललाई सहयोग गर्न सक्ने तीनवटा तरिकाहरूमा डिजिटल पूर्वाधार, औद्योगिक एप्लिकेसन र डिजिटल प्रतिभा समावेश गर्दै उद्घाटन मन्तव्य दिनुभयो। उहाँले भन्नुभयो, ‘नेपालले डिजिटल नेपाल फ्रेमवर्क अन्तर्गत उल्लेखनीय प्रगति गरेको छ, ह्वावेले पहुँचयोग्य, किफायती र समावेशी डिजिटल कनेक्टिभिटीका अतिरिक्त नेपाललाई क्लाउड र डाटा सेन्टर पूर्वाधारमा सहयोग गर्न विभिन्न भर्टिकलहरूका लागि डिजिटल रूपान्तरणलाई गति दिन र नेपालमा स्थानीय आईसी इकोसिस्टम निर्माण गर्नका लागि आफ्नो विश्वव्यापी र क्षेत्रीय इनोभेसन क्षमताहरू लाभ उठाउन जारी राख्नेछ।'
सञ्चार तथा सूचना प्रविधि मन्त्रालय का सचिव डा. बैकुण्ठ अर्यालले निजी क्षेत्रको व्यापक सहभागिताबाट सामाजिक र आर्थिक विकासका लागि पूर्वाधारको रूपमा ग्रामीण तहसम्म सूचना र सञ्चार क्षेत्रको विकास र विस्तार गर्ने साथै सूचना र सञ्चार प्रविधिको प्रसारमा जोड दिने हाम्रो उद्देश्य रहेको बताउनुभयो। उहाँले भन्नुभयो, 'देश र नागरिकहरू आईसीटीको सन्दर्भमा पछाडि नछोड्ने कुरा सुनिश्चित गर्नुपर्छ। म ह्वावेलाई तेस्रो पटक यस्तो सम्मेलन आयोजना गरेकोमा धन्यवाद दिन चाहन्छु जहाँ हामीले नेपालमा डिजिटल अनलिश गर्न धेरै नयाँ ज्ञान र विचारहरू प्राप्त गर्न सक्छौं।’
कार्यक्रममा नेपालस्थित चिनियाँ दूतावासका आर्थिक तथा वाणिज्य काउन्सिलर सि युले भन्नुभयो, ‘पुराना र जरा गडिएको चीन–नेपाल सम्बन्ध लामो समयदेखि मैत्रीपूर्ण र सौहार्दपूर्ण रहेको छ। निश्चित रूपमा ह्वावे चीनको सबैभन्दा इनोभेटिभ अन्तर्राष्ट्रिय टेक कम्पनीहरू मध्ये एक हो र यसले विश्वको आईसीटी उद्योगको नेतृत्व गरिरहेको छ। म ह्वावे कनेक्टले धेरै चीजहरू कनेक्ट गर्नेछ र डिजिटल नेपाल अनलिश गर्नेछ भन्ने कुरामा विश्वस्त छु।’
कार्यक्रममा नेपाल दूरसञ्चार प्राधिकरणका अध्यक्ष पुरुषोत्तम खनाल, आईएमई ग्रुपका प्रबन्ध निर्देशक तथा डिस होमका अध्यक्ष हेमराज ढकाल, ह्वावे नेपाल कार्यालयका प्रमुख कार्यकारी अधिकृत विलियम चाङ, लगायतले नेपालको ह्वावे कनेक्टको सम्मेलन २०२२ को विश्वव्यापी भ्रमणको एक हिस्सा भएकोबारेमा चर्चा गर्नुभएको नेपालखबर अनलाइनले जनाएको छ।
