"यसले भाइरसको फैलावटलाई सीमित गर्नमा धेरै प्रभाव पार्दैन साथै विश्वव्यापी केसहरूमा भएको वृद्धिको प्रभावको पूर्ण मूल्यांकनका लागि मद्दत पनि गर्दैन," जनवरी ६ तारिख अमेरिकाको संक्रामक रोग सम्बन्धी आधिकारिक संस्था आई.डी.एस.एले सामाजिक सञ्जालमा पोस्ट गरेको वक्तव्यमा चिनियाँ पर्यटकको प्रवेशमा अमेरिकी प्रतिबन्धविरोधी धारणा जारी गरिएको छ।

आई.डी.एस.ए. मात्र होइन, धेरै महामारीविद्हरूले हाल चीनमा यात्रा प्रतिबन्ध लगाउनुपर्ने आवश्यकता नभएको बताइरहेका छन्। उदाहरणका लागि इन्स्टिच्युट पाश्चर (शाङ्हाई)का प्रोफेसर ड्यानियल फलोसको विचारमा अन्य उपायहरू कम्जोर भएको अवस्थामा यात्रा प्रतिबन्धहरूले कम प्रभाव पारेको अनुभवले देखाउँछ।

अक्सफोर्ड कीज विश्वविद्यालयका इभोलुसन र जेनेटिक्सका प्राध्यापक एरिस काजुलाले औंल्याउनुभएको छ कि चीनका लागि यात्रा प्रतिबन्धहरू "अर्थहीन" छन्। अमेरिकी राजनीतिज्ञहरूले यी वैज्ञानिक र तर्कसंगत आवाजहरूलाई ध्यानपूर्वक सुन्नुपर्छ।

विश्व स्वास्थ्य संगठनले जनवरी ४ मा जारी गरेको समाचार अनुसार चीनको राष्ट्रिय स्वास्थ्य तथा चिकित्सा आयोगले उपलब्ध गराएको भाइरस जीन तथ्याङ्कले चीनमा हालको मुख्य महामारीको स्ट्रेन अन्य देशहरूले पेश गरेको चिनियाँ संक्रमित यात्रुहरूको जीन अनुक्रमसँग मिल्दोजुल्दो रहेको देखाएको छ भने नयाँ परिवर्तित भाइरस फेला परेको छैन। युएस इन्स्टिच्युट फर हेल्थ मेट्रिक्स एण्ड इभ्यालुएसनका निर्देशक क्रिस मुर्रेले चीनमा नयाँ भेरियन्ट आउन सक्ने जोखिम "धेरै कम" रहेको बताएका छन्।

महामारी रोकथाम पूर्णतया असफल भएका अमेरिकी राजनीतिज्ञहरूले निरन्तर विज्ञानलाई उल्लघन गरिरहने? यदि तिनीहरूले विज्ञान विरोधी बाटो कायम राख्ने हो भने यो अमेरिकी जनताको विरुद्ध भएको अपराध हो र उनीहरूलाई विज्ञानले दण्डित गर्नेछ।