जनवरी ९ को दिउँसो चिनियाँ राष्ट्राध्यक्ष सी चिनफिङले चेकका राष्ट्रपति मिलोस जेमानसँग भिडियो वार्ता गर्नुभएको छ।

वार्तामा राष्ट्राध्यक्ष सीले भन्नुभयोः विगत १० वर्षमा चीन–चेक सम्बन्धलाई रणनीतिक साझेदारीमा स्तरोन्नति गरेका छौँ। हामीले द्विपक्षीय आर्थिक र व्यापार सम्बन्धी मानव आदानप्रदानलाई संयुक्त रूपमा बढाएका छौं, चीनमा चेकको निर्यात लगभग दुई गुणाले बढेको छ र सन् २०१९ मा चेकमा पुगेका चिनियाँ पर्यटकहरूको संख्या सन् २०१३ को तुलनामा २५० प्रतिशतले बढेको छ। चीनले चीन–चेक सम्बन्धको विकासलाई महत्व दिँदै चेकलाई एक महत्वपूर्ण रणनीतिक साझेदारको रूपमा मानिरहेको छ। द्विपक्षीय सम्बन्धको स्थिरता र दीर्घकालीन विकासलाई बढाउन र दुई देशका जनताको हित कल्याण थप्न चेकसँग काम गर्न चीन इच्छुक छ।

साथै सीले यसरी जोड दिनुभयोः चीन र मध्य तथा पूर्वी युरोपेली देशहरूबीचको सहयोगको प्रवर्द्धन गर्न चीनले अझ बढी व्यावहारिक कदम चाल्दै जानेछ। युरोपप्रति चीनको नीति स्थिर छ। चेकले चीन-चेक सहयोग र चीन-यूरोपेली संघ सम्बन्धको दिगो र स्वस्थ विकासलाई बढाउन चीनले सक्रिय रूपमा काम गर्न जारी राख्ने आशा गरेको छ।

भिडियो वार्तामा चेकका राष्ट्रपति जेमानले चर्चा गर्दै भन्नुभयोः 'चेक–चीन सम्बन्धबारे राष्ट्राध्यक्ष सी चिनफिङको मूल्याङ्कनसँग म पूर्णतया सहमत छु। म राष्ट्राध्यक्ष सीसँगको मेरो मित्रताको कदर गर्छु र चीनसँग मिलेर अर्थतन्त्र, व्यापार र लगानीका क्षेत्रमा हुने सहयोगलाई मजबुत पार्ने इच्छा गरेको छु। कोभिड महामारीको प्रभावलाई जित्दै आपसी मानव आदानप्रदानलाई पुनः सुरु गर्ने आशा छ। यूरोपेली संघ-चीन सम्बन्धको स्वस्थ विकासलाई बढाउन चेकले सकारात्मक भूमिका खेल्ने इच्छुक छ।

उक्त भिडियो वार्तामा चिनियाँ परराष्ट्र मन्त्री वाङ यी लगायतहरूको सहभागिता रहेको छ।