तपाईँको विचारमा एउटा रेलमार्गको अर्थ के हो? सामान्य व्यक्तिका लागि त्यो यात्रा गर्ने एउटा तरिका मात्र हुन सक्छ, तथापि चीनमा अध्ययनरत् लाओसकी विद्यार्थी वाङ वैका लागि त्यो आफ्नो कल्पना र अरु उज्यालो जीवन हो।
मेरो नाम वाङ वै हो। लाओसको भाषामा मेरो नाम खामफिलोम भानाफोन हो। अहिले म खुन मिङ क्याम्पसमा पढ्दै छु। म चीन आएको ३ वर्ष भइसक्यो।
३१ वर्षीय वाङ वैको जन्म लाओसको भिएनटिआनमा भएको थियो। अहिले उनी खुन मिङ क्याम्पसमा पर्यटन व्यवस्थापनको विषय पढ्दै छिन्। दुई वर्षअघि लाओसको भिएनटिआन र चीनको युन नान जोडिने चीन-लाओस रेलमार्गको संचालन हुन लागेको खबर पाएपछि आमाको जिज्ञासा र चाहनामा उनी चीनमा पढ्न आएकी हुन्।
सन् २०१९ मा मेरी आमाले चीन र लाओस बीच चीन-लाओस रेलमार्गको संचालन हुने कुरा सुन्नुभएको रहेछ। जुन एउटा राम्रो अवसर हुने उहाँलाई लाग्यो। चीन-लाओस रेलमार्गको संचालनपछि लाओसको पर्यटनको विकासलाई अवश्य नै अघि बढाउने उहाँको विश्वास थियो।
वाङ वैका लागि चीनमा पढ्ने अर्थ आमाको इच्छा पूरा गर्नुका साथै आफ्नो जीवनको परिवर्तन गर्ने छनौट पनि हो। चीनमा आउँदा उनलाई एउटा चिनियाँ वाक्य पनि बोल्न आँउदैन थियो, तथापि यसले उनको अघि बढ्ने उत्साह रोकेको थिएन।
चिनियाँ भाषा जान्नुपर्ने मलाई लागेको थियो। किनभने पछि हाम्रो लाओस र चीन बीच धेरै सहयोग हुने मलाई लागेको थियो, त्यसैले चिनियाँ भाषा जानेपछि राम्रो अवसर हुने थियो। चीन आएपछि मेरो पहिलो लक्ष्य चिनियाँ भाषा सिक्नु थियो।
दुई वर्षपछि वाङ वै चिनियाँ भाषा सम्बन्धी पाँचौँ स्तरको परीक्षामा उतीर्ण भएकी थिइन्। यस अवधिमा उनले पहिलो पटक रेल चढेर युन नानका विभिन्न ठाउँ घुमेर क्यामरामार्फत चीनको ग्रामिण क्षेत्रमा रहेका सुन्दर दृश्य र भावपूर्वक कथा रेकर्ड गरी आफ्नो चीन बसाइको अनुभव र देखेको सुन्दर दृश्य विदेशी इन्टरनेट प्रयोगकर्ताहरुसम्म पुर्याएकी थिइन्।
मैले रेलबाट सि श्वाङ पान ना र फु र घुमेकी थिएँ। चीन-लाओस रेलमार्गको संचालनपछि त्यहाँ घुम्न सजिलो भयो। पहिलो पटक मैले सि श्वाङ पान ना घुम्दा चीन-लाओस रेलमार्गको संचालन भर्खरै भएको थियो, त्यसैले रेलमा धेरै यात्रुहरु थिएनन्। तथापि एक वर्षपछि धेरै मानिसहरुले सि श्वाङ पान ना र फु रको यात्रा गरेका देखेँ। उनीहरुले चीन-लाओस रेलमार्गको संचालनपछि उनीहरुको व्यापार पनि राम्रो भएको बताए।
वाङ वैले छायाङ्कन गरेका भिडियोहरुले लाओस, थाइल्याण्ड र भियतनामका धेरै इन्टनेर प्रयोगकर्ताहरुलाई आकर्षण गरेका छन्।
उनीहरुले मेरो भिडियो हेरेपछि मलाई सोधे, यहाँ कहाँ हो? कहिले चीन-लाओस रेलमार्गबाट चीनको यात्रा गर्न सकिने छ?
इन्टरनेट प्रयोगकर्ताहरुसँगको कुराकानीको क्रममा वाङ वैको सपना पनि स्पष्ट हुँदै आएको छ। जुन लाओस र चीनको पर्यटन क्षेत्र बीचको सहयोगका लागि प्रयास गर्नु हो।
एक वर्षपछि म स्नातक हुने छु। मैले खुन मिङ र युन नानका अरु शहरमा रहेका केही पर्यटन कम्पनीहरूसँग सहयोग खोजेकी छु। भविष्यमा पर्यटन सम्बन्धी काम गर्ने योजना छ।
