चीनको संस्कृति तथा पर्यटन मन्त्रालयका अनुसार, ६ तारिखदेखि चीनभरिका पर्यटन एजेन्सी र अनलाइन पर्यटन कम्पनीले प्रायोगिक आधारमा चिनियाँ पर्यटकको विदेशी पर्यटन व्यवसाय पुनःसुरू गरेको छ। ती गन्तव्यमा थाइल्याण्ड, इन्डोनेशिया, कम्बोडियालगायत २० मुलुक समावेश छन्।
६ तारिख बिहान पैचिङ अन्तर्राष्ट्रिय विमानस्थलको टर्मिनल ३ बाट सिङ्गापुरतर्फ एउटा पर्यटन समूह उडेको छ, जुन चीन प्रवेश र निकाश नीति अनुकूलन र संशोधन भएपछि पैचिङबाट सिङ्गापुरतर्फ प्रस्थान गर्ने पहिलो पर्यटन समूह हो। यसबाहेक सोहि दिन थाइल्याण्ड, कम्बोडिया आदि गन्तव्यतर्फ पनि विभिन्न पर्यटन समूहहरू उडेका छन्।
चीनको पर्यटन ग्रुपका सम्बद्ध जिम्मेवार लेइ हाइसुले ३ वर्षयता पहिलो निकासी पर्यटन समूह भएको बताउँदै स्वस्थ, सुरक्षा तथा सभ्यता आधारित पर्यटनमा अझ ध्यान दिएको दोहोर्याउनुभएको छ।
पैचिङबाहेक ५ तारिख राति ९ बजे लगभग ५० जना चिनियाँ पर्यटक क्वाङचौ पाइयुन अन्तर्राष्ट्रिय विमानस्थलमा भेला भएर ६ तारिख बिहान सबेरैको उडानबाट युएइको दुबई, अबुधाबी आदि क्षेत्रतर्फ प्रस्थान गरेका छन्।