फेब्रुअरी ६ तारिख टर्कीमा दुई पटक ७.८ स्केलको भूकम्प गएबाट टर्कीसँगै छिमेकी देश सिरियामा समेत ठूलो हताहत भएको छ साथै गम्भिर क्षति पुगेको छ।
चीनको राष्ट्रिय अन्तर्राष्ट्रिय विकास सहयोग ब्यूरोका उप-प्रमुख तङ पोछिङले चीन सरकारले तत्कालै आपत्कालीन मानवीय सहायता संयन्त्र सुरू गरी टर्की र सिरियालाई आपतकालीन सहयोग गर्ने निर्णय गरेको व्यक्त गर्नुभएको छ। उहाँका अनुसार, पहिलो खेपको सहयोगमा टर्कीलाई ४ करोड चिनियाँ युआनको आपत्कालीन सहयोग गर्नेछ त्यसमा उद्धार टोली, चिकित्सा टोली, आवश्यक उद्धार सामग्री समावेश छन् साथै सिरियासँग समन्वय गरी आवश्यक उद्धार सामग्री प्रदान गरी खाद्य सहायता कार्यक्रमको तिव्र पालना गरिने छ।
यसबाहेक चीन समाजका विभिन्न क्षेत्रले पनि टर्की र सिरियालाई उद्धार गरेका छन्। चीनको रेड क्रस सोसाइटीले छुट्टाछुट्टै गरी टर्की र सिरियालाई २ लाख अमेरिकी डलर उद्धार प्रदान गरेको छ। स्थानीय चिनियाँ प्रवासीले पाल, कम्बल आदि सामग्री सङ्कलन गर्ने प्रयास गरिरहेका छन्। बताएअनुसार, चीनको पहिलो सामाजिक उद्धार दलले बिहानैदेखि प्रकोप क्षेत्रमा उद्धार थालिसकेको छ।