फेब्रअरी १८ तारिख, चिनियाँ कम्युनिष्ट पार्टी केन्द्रिय राजनैतिक व्यूरोका सदस्य एवम् केन्द्रिय समिति वैदेशिक मामिला कार्यालयका प्रमुख वाङ यीले जर्मनीमा आयोजित म्युनिख सुरक्षा सम्मेलनमा सहभागी हुँदै सम्बोधन गर्नुभएको छ।
चीनका राष्ट्राध्यक्ष सी चिनफिङले विश्वको परिस्थितिबमोजिम वैश्विक विकास प्रस्ताव र वैश्विक सुरक्षा प्रस्ताव प्रस्तुत गर्नुभएको बताउँदै वाङ यीले यी प्रस्तावले मानवजातिको सुख, शान्ति र विकास गर्न चिनियाँ योजना र चिनियाँ बुद्धि प्रदान गरेको औँल्याउनुभएको छ। उहाँका अनुसार, हालै १०० भन्दा बढी मुलुक र संयुक्त राष्ट्र संघमा समावेश भएका विविध अन्तर्राष्ट्रिय संगठनले यी दुईटा प्रस्तावलाई समर्थन दिनुका साथै लगभग ७० मुलुकले‘वैश्विक विकास प्रस्तावको साथी समूह’मा भाग लिएका छन्। चीनले निकट भविष्यमा‘वैश्विक सुरक्षा प्रस्तावको अवधारणा पत्र’सार्वजनिक गर्ने तथा विश्व सुरक्षा समस्याको समाधान गर्न विचार र कदम प्रदान गर्ने र विभिन्न मुलुकको सहभागितालाई स्वागत गर्ने पनि वाङ यीले बताउनुभएको छ।