मार्च १८ मा बेइजिङमा ग्लोबल वित्तिय व्यवस्थापन मञ्च 2023 को वार्षिक बैठक सुरु भयो। चिनियाँ र विदेशी वित्तीय उद्योगका नेताहरू र शैक्षिक विज्ञहरू विश्वव्यापी परिवर्तनहरू कसरी सामना गर्ने भन्ने बारेमा छलफल गर्न भेला भए।  वर्तमान विश्वका सामु एक शताब्दीमा नदेखिने ठूलो परिवर्तन देखापरेको छ।  कोरोना महामारी पूर्णतया हटिसकेको छैन। भू-राजनीतिक द्वन्दले विश्वव्यापी सहयोगको आधारमा चुनौतीहरू ल्याएको छ, र विश्वव्यापी शासन संयन्त्र खस्कँदै गएको छ। विश्वव्यापी अर्थतन्त्र मुद्रास्फीति विरोधी, मन्दीको प्रतिरोध र वृद्धि प्रवर्द्धन बीच सन्तुलन कायम गर्न संघर्ष चलिरहेको छ। जटिल र  परिवर्तन हुने अन्तर्राष्ट्रिय वातावरणको सामना गर्दै चीनले सुधार र खुलापनलाई गहिरो बनाउने कुरामा जोड दिएको छ र घरेलु चक्रलाई मुख्य निकायको रूपमा र घरेलु तथा अन्तर्राष्ट्रिय द्वैध चक्रले एकअर्कालाई बलियो बनाउँदै नयाँ विकास प्रारुपको निर्माण गर्ने प्रयास गरेको छ। यसले व्यापारको उच्च गुणस्तरीय विकासलाई प्रवर्द्धन गर्न, विदेशी पुँजीको उपयोगको स्तरमा सुधार गर्न र विश्व औद्योगिक श्रृंखलासँग मिलाउन प्रयास गर्ने छ।

चीनको जन बैंकका उपाध्यक्ष तथा चिनियाँ कम्युनिष्ट पार्टी समितिका सदस्य सुआन छाङनङ宣昌能ले जटिल र निरन्तर परिवर्तनशील वातावरणमा चिनियाँ बजारको खुलापन, स्थिरता र विकासले विश्वलाई विविध अवसर र छनौट उपलब्ध गराएको बताउनुभयो। उहाँका अनुसार हालका वर्षहरूमा चीनले लगातार रूपमा ४० भन्दा बढी स्वदेशी र विदेशी वित्तीय खुलापनका उपायहरू ल्याएको छ जसले वित्तीय सेवाहरूको बजार पहुँचलाई धेरै आराम दिएको छ। यी सबैले चीनको बजारको बढ्दो अन्तर्राष्ट्रिय प्रभाव, आकर्षक शक्ति र विश्वव्यापी लगानीकर्ताद्वारा चीनको अर्थतन्त्रको दीर्घकालीन स्थिर विकास र वित्तीय बजारको निरन्तर विस्तार र खुलापनमा विश्वास लिइएको प्रतिबिम्बित भएको छ।

चीनको कम्युनिष्ट पार्टीको २०औँ राष्ट्रिय महाधिवेशनले नियम, व्यवस्थापन र मापदण्डको संस्थागत खुलापनलाई निरन्तर विस्तार गर्ने कुरामा स्पष्ट जोड दिएको छ। जसबाट चीनले लगातार रुपमा विदेशका लागि उच्च गुणस्तरीय खुलापनलाई प्रवर्द्धन गर्ने, गहिरो रुपमा ग्लोबल औद्योगिक श्रम विभाजन र सहयोगमा भाग लिने, बहुपक्षीय अन्तर्राष्ट्रिय आर्थिक प्रारुप र आर्थिक तथा व्यापारिक सम्बन्धको संरक्षण गर्ने संकल्प  देखाएको छ। चीनको आर्थिक वृद्धिको गति क्रमशः पुन: प्राप्ति र वित्तीय बजारको थप खुलापनसँगसँगै चीनको वित्तीय सम्पत्तिको लगानी विशेषताहरू र जोखिमबाट बच्ने विशेषताहरू पनि थप प्रख्यात हुने छन्।

चिनियाँ उप अर्थमन्त्री तथा चिनियाँ कम्युनिष्ट पार्टी समूहका सदस्य स्या सियान् तले夏先德ले यस मञ्चमा भाग लिँदै भाषण दिनुभएअनुसार विश्व, समय र इतिहासमा भएका परिवर्तनहरू अभूतपूर्व रूपमा देखापरिरहेका छन् र विकासका अवसरहरू विश्वव्यापी परिवर्तनहरूसँग मिल्छन्। विश्वव्यापी परिवर्तनको सामना गर्दै चिनियाँ सरकारले आर्थिक बजारलाई स्थिर बनाउन ठूलो प्रयास गरेको छ र चिनियाँ अर्थतन्त्रले विश्वव्यापी आर्थिक इन्जिनको भूमिका खेलेको छ। भविष्यमा, चीनको खुला ढोका बन्द हुने छैन तर फराकिलो मात्र खुल्ने छ।