अप्रिलमा बेइजिङ वसन्त ऋतुका फूलहरूले भरिएको हुन्छ र चराहरू गाइरहेका हुन्छन्। शेयर बाइक लिएर, योङतिङमनबाट सुरु गरेर उत्तरको बाटोमा घण्टी र ड्रम टावर लगायतका स्थानहरू हुँदै केन्द्रीय अक्ष नै धेरै साइक्लिङ उत्साहीहरूको लागि मनपर्ने मार्ग हो। बेइजिङको केन्द्रीय अक्ष लगभग ७.८ किलोमिटर लामो छ र यो मार्गमा १३ औँ शताब्दीयताको चिनियाँ इतिहासमा सबैभन्दा महत्वपूर्ण राष्ट्रिय स्मारकहरू, ऐतिहासिक भवनहरू एकसाथ देख्नपाइन्छ। यसलाई चिनियाँ सभ्यताको एक अद्वितीय साक्षी पनि भन्न सकिन्छ।

बेइजिङको केन्द्रीय अक्षको उत्तरी बिन्दुमा अवस्थित घण्टी र ड्रम टावरले शताब्दीयौँदेखि शहरको घण्टी केन्द्रको रूपमा काम गर्दै आएको छ। ड्रम टावर रातो रङको छ। दुई तले, ४६.७ मीटर अग्लो, र २५ ठूला ड्रमहरू छन् भने घण्टी टावरको खैरो भवन पनि दुई तल्लाकै छ। ४७.९ मिटरको उचाइ भएको यस भवनमा काठ-फ्रेम गरिएको घण्टी र काँस्य घण्टीहरू छन्।

बेइजिङको केन्द्रीय धुरीको संरक्षणमा सर्वसाधारणको उत्साहलाई उत्प्रेरित गर्नका लागि बेइजिङमा सफलतापूर्वक आयोजित एक प्रतियोगितामा लिटिल बियर आर्केस्ट्राका बच्चाहरूले गाएको "बेइजिङ घण्टी र ड्रम टावर" नामक गीतले  सामूहिक पुरस्कार जितेको छ।