अप्रिल ११ तारिख बिहान फ्रान्सका राष्ट्रपति इमानुएल माक्रोनले नेदर्ल्याण्डको भ्रमण क्रममा युरोपले खुलापनलाई कायम गर्नुका साथै युरोपको आर्थिक सार्वभौमिकताको संरक्षण गरेर मात्र सहयोग साझेदारको स्वतन्त्र रूपमा छनौट गरी युरोपको भविष्य आफ्नो हातमा राख्नसकिने दोहोर्याउनुभएको छ। स्वतन्त्रता युरोपको लागि निकै महत्वपूर्ण छ भने युरोपले आफ्नो विकास मोडल कायम राख्नुपर्छ तर अरू मुलुकमा निर्भर हुनुहुँदैन भन्ने कुरा माक्रोनले व्यक्त गर्नुभएको छ।

माक्रोनको विचारमा प्रतियोगितात्मक क्षमताका लागि युरोपले नवीन सिर्जना र सुधारलाई बढाएर विभिन्न मुलुकको श्रम शक्तिको कौशल तालिम लगायत शिक्षालाई अघि सार्नुपर्छ साथै युरोपेली बजारलाई एकीकृत गरी पूँजी र प्रतिभालाई आकर्षित गर्नुपर्छ। माक्रोनले युरोपले आफ्नो उच्च विज्ञान तथा प्रविधिको विकास गर्न चाहेको तथा अरू मुलुकको विज्ञान तथा प्रविधिमा निर्भर भएबाट युरोपलाई जोखिम हुने कुरामा जोड दिनुभयो।

माक्रोनले युरोपले पेरिस सन्धिलाई सम्मान नगर्ने सरकार र व्यक्तिसँग स्वतन्त्र व्यापार सन्धिमा हस्ताक्षर गर्न रोक्नुपर्ने पनि दोहोर्याउनुभयो।