अमेरिकी रक्षा विभागका गोप्य कागजातहरू लीक हुनु राष्ट्रिय सुरक्षाको लागि "धेरै गम्भीर" खतरा भएको पेन्टागनले बताएको छ। कागजातहरूमा युक्रेन युद्धका साथै चीन र अमेरिकी सहयोगीहरूको बारेमा संवेदनशील जानकारी समावेश भएको देखिन्छ। अधिकारीहरू भन्छन्, ‘ती फाइलहरू वरिष्ठ नेताहरूलाई जारी गरिएका कागजातकै ढाँचामा छन्।’

चुहावटको स्रोत पत्ता लगाउन अनुसन्धान सुरु गरिएको बीबीसीले जनाएको छ।

नयाँ अधिकारीका अनुसार सार्वजनिक कागजातमध्ये केही पहिलो पटक ट्विटर, 4-चान र टेलिग्राम जस्ता अनलाइन प्लेटफर्महरूमा देखापरेका थिए। युक्रेन युद्धबारे अत्यधिक विस्तृत जानकारीका साथै केही लीक भएका कागजातहरु अमेरिकी सहयोगीहरुसँग सम्बन्धित संवेदनशील ब्रिफिङ् सामग्रीहरु रहेको बुझिएको छ।

युक्रेनका राष्ट्रपति भोलोदिमिर जेलेन्स्कीको नजीकको स्रोतले सीएनएनलाई भने अनुसार युक्रेनले चुहावटका कारण आफ्ना केही सैन्य योजनाहरू पहिले नै परिवर्तन गरिसकेको छ। अन्य कागजातहरू कथित रूपमा मध्य पूर्व र इन्डो-प्यासिफिक क्षेत्रमा रक्षा मुद्दाहरूमा केन्द्रित छन्।

सोमबार पत्रकारहरूसँग कुरा गर्दै पेन्टागनका एक उच्च अधिकारीले भने, कागजातहरूले राष्ट्रिय सुरक्षामा एकदमै गम्भीर खतरा ल्याउने सम्भावना छ।"

यसैगरी सार्वजनिक मामिलाका लागि रक्षा सचिवका सहायक क्रिस मेघरले अझै पनि यो कसरी भयो भन्नेबारेमा अनुसन्धान गरिरहेका बताए। पेन्टागनले आफ्नो प्रक्रियाको पुन: मूल्याङ्कन गरिरहेको छ कि त्यस्ता संवेदनशील कागजातहरूमा कसको पहुँच छ भनेर। यस प्रकारको जानकारी कसरी र कसलाई वितरण गरिन्छ भनेर नजीकबाट अनुसन्धानका लागि कदम चालिएको छ।

पेन्टागनले कागजातहरू साँचो वा झुटो सम्बन्धमा मेघारले जवाफ दिन अस्वीकार गरेका छन्। तर उनले केही परिवर्तित भएको देखिने बताए। न्याय विभागले अब पेन्टागन, ह्वाइट हाउस र अमेरिकी सरकारको अन्य ठाउँका अधिकारीहरूसँगै लीकको अनुसन्धान गरिरहेको छ।

कागजातहरूको ढाँचा युक्रेन र रुस-सम्बन्धित अपरेसनहरूमा उच्च नेताहरूलाई दैनिक अद्यावधिकहरू र अन्य गुप्तचर अपडेटहरू प्रदान गर्न प्रयोग गरिनेबारे रहेको मेघरले थपे। पेन्टागनलाई गत हप्ता कागजात चुहावटको बारेमा पहिलो पटक थाहा भएको थियो। रक्षा सचिव लोयड अस्टिनले पहिलो पटक ६ अप्रिलमा यस विषयमा जानकारी दिएको पनि मेघरले बताए।

बीबीसी समाचारले हालसम्म २० भन्दा बढी कागजातहरूको समीक्षा गरेको छ, जसमध्ये धेरैले युक्रेनी सेनाद्वारा लामो-प्रतीक्षित वसन्त आक्रमण अघि युक्रेनी र रुसी सेनाको तैनाती र अवस्थाको विवरण दिन्छ। केही कागजातहरूमा युक्रेन आक्रमणअघि युक्रेनलाई प्रदान गरिएको प्रशिक्षण र उपकरणहरू, विभिन्न युक्रेनी इकाइहरूको तयार समय र सैन्य आपूर्ति लगायतको रूपरेखा देखिन्छ।