हालै धेरै देशका विशेषज्ञ र विद्वानहरूले सिएमजीका पत्रकारसँगको अन्तर्वार्तामा भन्नुभएका छन् कि "प्राचीन सिल्क रोड" को पूर्वी बिन्दु सि आनमा आयोजित चीन-मध्य एशिया शिखर सम्मेलन रणनीतिक पारस्परिक विश्वास, ऐक्यबद्धता, सहयोग र पारस्परिक लाभ निर्माण गर्न समर्पित छ। सोही अवधिमा आयोजित विभाजनकारी जी सात शिखर सम्मेलनको विपरीत छ।

इरानका अन्तर्राष्ट्रिय मामिला विज्ञ घोलामरेजा राजाईले पत्रकारसँगको अन्तर्वार्तामा पहिलो चीन-मध्य एसिया शिखर सम्मेलन महत्वपूर्ण ऐतिहासिक बैठक र विश्वका विकासोन्मुख राष्ट्रहरूबीच ऐक्यबद्धता र सहयोगको प्रतीक भएको बताउनुभयो।

पाकिस्तानी टिप्पणीकार मुहम्मद फियाज कियानीले पत्रकारसँगको अन्तर्वार्तामा भन्नुभयो: "यो शिखर सम्मेलनले चीन र मध्य एशिया बीच साझा भाग्यको नयाँ युगको सुरुवात गर्दछ। "

प्रसिद्ध जापानी विद्वान तथा हिगाशी निप्पोन इन्टरनेशनल युनिभर्सिटीका विजिटिङ प्रोफेसर सायोन्जी काजुतेरुले चीन–मध्य एसिया शिखर सम्मेलनलाई जापानको हिरोसिमामा आयोजित जी सात शिखर सम्मेलनसँग तुलना गर्दै जी सात शिखर सम्मेलनमा अमेरिकाको नेतृत्वमा पश्चिमा देशहरू चीनलाई बदनाम गर्न र चीनसँग संयुक्त रूपमा कसरी व्यवहार गर्ने भनेर छलफलमा व्यस्त रहेको र यो बैठक विश्वलाई विभाजित गर्ने प्रयास भएको भन्नुभयो। उहाँले चीन-मध्य एसिया शिखर सम्मेलन देशहरूको अन्तरसम्बन्धको लागि एक भव्य कार्यक्रम भएको बताउनुभयो।