जुन १९ तारिख दिउँसो चिनियाँ राष्ट्राध्यक्ष सी चिन फिङले पैचिङमा अमेरिकी विदेशमन्त्री एन्टोनी ब्लिन्केनसँग भेट गर्नुभयो।
सी चिन फिङले विश्व विकास भइरहेको र समय परिवर्तन भइरहेको कुरामा जोड दिँदै भन्नुभयो,“विश्वलाई समग्रमा स्थिर चीन-अमेरिका सम्बन्ध चाहिन्छ，चीन र अमेरिका सही ढंगले मिल्न सक्छन् कि छैनन् भन्ने कुराले मानवजातिको भविष्य र भाग्यमा असर गर्छ। विशाल पृथ्वीले चीन र अमेरिकाको सम्बन्धित विकास र साझा समृद्धिलाई पूर्ण रूपमा समेट्छ। वर्तमानमा, अन्तर्राष्ट्रिय समुदाय सामान्यतया चीन-अमेरिका सम्बन्धको यथास्थितिका बारेमा चिन्तित छ, तिनीहरू दुई देश बीचको द्वन्द्व र टकराव हेर्न चाहँदैनन् र तिनीहरू चीन र अमेरिका बीचको पक्ष छान्न इच्छुक छैनन्। चीन र अमेरिकाबीच शान्तिपूर्ण सहअस्तित्व र मैत्रीपूर्ण सहयोगका लागि तिनीहरू तत्पर छन्।”
सी चिनफिङले प्रमुख शक्ति मुलुकहरू प्रतिस्पर्धाले समयको प्रवृत्तिसँग मेल नखाने बताउँदै अमेरिकाले नै सामना गर्नुपरेका समस्या र विश्वले सामना गरिरहेका चुनौतीहरूको समाधान गर्न नसकिने कुरामा जोड दिनुभयो। चीनले अमेरिकाको हितलाई सम्मान गर्छ र अमेरिकालाई चुनौती दिने वा प्रतिस्थापन गर्ने छैन भन्दै अमेरिकाले पनि चीनको सम्मान गर्नुपर्छ र चीनको वैधानिक अधिकार र हितलाई हानि गर्नु नहुने कुरा नेता सी चिनफिङले बताउनुभयो। सी चिनफिङले अमेरिकी पक्षले तर्कसंगत र व्यावहारिक दृष्टिकोण अपनाउने, चीनसँग एउटा बाटोमा हिँड्ने र बालीमा राष्ट्रपति बाइडेनसँगको आफ्नो भेटमा भएको सहमतिलाई पालना गर्न र सान्दर्भिक सकारात्मक कथनहरूलाई कार्यमा लागू गर्ने आशा गरिएको कुरा औँल्याउनुभयो।
ब्लिन्केनले राष्ट्राध्यक्ष सी चिनफिङलाई राष्ट्रपति बाइडेनको शुभकामना सन्देश सुनाउँदै राष्ट्रपति बाइडेनले अमेरिका र चीनको द्विपक्षीय सम्बन्धलाई राम्रोसँग व्यवस्थापन गर्ने जिम्मेवारी र दायित्व अमेरिका, चीन र विश्वको हितमा रहेको बताउनुभयो। उहाँले भन्नुभयो: " अमेरिका बालीमा दुई राष्ट्र प्रमुखहरूले तय गरेको एजेन्डामा फर्कन प्रतिबद्ध छ। अमेरिकाले राष्ट्रपति बाइडेनले गरेका प्रतिबद्धताहरूको पालना गर्दछ, "नयाँ शितयुद्ध" खोज्दैन, चिनियाँ प्रणाली परिवर्तन नगर्ने, गठबन्धनलाई बलियो बनाएर चीनको विरोध गर्न खोज्दैन，हामी "ताइवान स्वतन्त्रता"लाई समर्थन गर्दैनौं र चीनसँग द्वन्द्वको कुनै इरादा राख्दैनौं। हामी चीनसँग उच्च स्तरको आदान-प्रदान गर्न, सुचारू सञ्चार कायम राख्न, जिम्मेवारीपूर्वक भिन्नताहरू व्यवस्थापन गर्दै र संवाद, आदानप्रदान र सहयोग चाहन्छौँ।"
