पन्धौं ब्रिक्स नेताहरूको बैठक चाँडै दक्षिण अफ्रिकामा आयोजना हुनेछ। दक्षिण अफ्रिकाबाट प्राप्त समाचार अनुसार ४० भन्दा बढी देशले ब्रिक्समा सामेल हुने इच्छा व्यक्त गरेका छन् भने २० भन्दा बढी देशले औपचारिक रूपमा ब्रिक्स परिवारको सदस्य बन्नका लागि निवेदन दिएका छन्। जसले ब्रिक्सको नेतृत्वले अन्तर्राष्ट्रिय समुदायको विश्वास जितेको कुरालाई झल्काउँछ।
अन्तर्राष्ट्रिय मुद्रा कोषका अनुसार,सन् २००१ देखि सन् २०२२ सम्म विश्वव्यापी जीडीपीमा ब्रिक्स देशहरूको हिस्सा ८.४ प्रतिशतबाट बढेर २५.८ प्रतिशत पुगेको छ। सोही अवधिमा जी ७ को शेयर ६४.६ प्रतिशतबाट घटेर ४२.९ प्रतिशतमा झरेको छ। यो उल्लेखनीय छ कि सन् २०२२ मा ब्रिक्स “चीन वर्ष” पछि ब्रिक्स सहयोगले फलदायी नतिजाहरू हासिल गरेको छ। जोहानेसबर्ग शिखर सम्मेलनका लागि यसले बलियो जग बसालेको छ।
नयाँ प्रकारको सहयोग संयन्त्रका रूपमा ब्रिक्स दक्षिण-दक्षिण सहयोगको नेतृत्व गर्ने विश्वव्यापी शासन प्रवर्द्धन गर्ने महत्वपूर्ण शक्ति भएको छ।