स्थानीय समयअनुसार अगष्ट २२ तारिख दिउँसो चिनियाँ राष्ट्राध्यक्ष सी चिनफिङ र दक्षिण अफ्रिकाका राष्ट्रपति सिरिल रामाफोसाले प्रिटोरियास्थित राष्ट्रपति भवनमा संयुक्त रूपमा पत्रकार सम्मेलनको आयोजना गर्नु भएको छ।

सी चिन फिङले यो वर्ष चीन र दक्षिण अफ्रिकाबीच दौत्य सम्बन्ध स्थापना भएको २५ औँ वार्षिकोत्सव मनाउने बताउनुभयो। उहाँले भन्नुभयो कि, “विगत २५ वर्षमा चीन-दक्षिण अफ्रिका सम्बन्धले फराकिलो विकास हासिल गरेको छ, रणनीतिक आपसी विश्वास नयाँ उचाइमा पुगेको छ, विभिन्न क्षेत्रमा सहयोगलाई व्यापक रूपमा प्रवर्द्धन गरेको छ र बहुपक्षीय सहयोग घनिष्ठ भएको छ। चीन-दक्षिण अफ्रिका सम्बन्धहरू द्विपक्षीय दायराभन्दा धेरै पर गएका छन् र यसको रणनीतिक महत्त्व र विश्वव्यापी प्रभाव बढ्दो छ।”

चीन र दक्षिण अफ्रिका दुवै प्रमुख विकासोन्मुख र महत्वपूर्ण प्रभावका साथ उदीयमान बजारहरू रहेको राष्ट्रराध्यक्ष सीले बताउनुभयो। रणनीतिक समन्वयलाई सुदृढ गर्न, वास्तविक बहुपक्षवादको अभ्यास गर्न र विश्वव्यापी शासनमा "विश्वको दक्षिणी" मा देशहरूको प्रतिनिधित्व र आवाजको विस्तारलाई प्रवर्द्धन गर्न आवश्यक रहेको उहाँले औँल्याउनुभयो।

दक्षिण अफ्रिकी राष्ट्रपति रामाफोसाले दक्षिण अफ्रिका र चीनबीच दौत्य सम्बन्ध स्थापना भएको २५ औँ वर्षगाँठका अवसरमा राष्ट्राध्यक्ष सी चिनफिङको चौथो दक्षिण अफ्रिकामा राजकीय भ्रमण भएकामा आफू निकै खुसी भएको बताउनुभयो। उहाँले भन्नुभयो，“म दक्षिण अफ्रिकामा १५ औँ ब्रिक्स शिखर बैठकको सफल आयोजनाका लागि चीनको दृढ समर्थनको प्रशंसा गर्दछु। म राष्ट्राध्यक्ष सी चिनफिङ र अन्य ब्रिक्स नेताहरूसँग अन्तर्राष्ट्रिय सुशासन र विश्वको दक्षिणमा ब्रिक्स राष्ट्रहरूको आवाजलाई बढावा दिन काम गर्न उत्सुक छु।”