सेप्टेम्बर १० मा चिनियाँ राष्ट्राध्यक्ष सी चिनफिङले फुच्याङ नवीकरण मञ्च २०२३ लाई शुभकामना सन्देश पठाउनुभएको छ। उहाँले आफ्नो शुभकामना सन्देशमा भन्नु भएको छः 'वैज्ञानिक र प्राविधिक नविनता मानवजातिले संयुक्त सामना गर्नुपर्ने जोखिम र चुनौतीहरू हुन् र यो नै शान्ति र विकासलाई बढाउने एक महत्वपूर्ण शक्ति हो। हामीले अझ खुला सोच र कदमहरूको साथ अन्तर्राष्ट्रिय वैज्ञानिक र प्राविधिक आदानप्रदान र सहयोगलाई बढाउँदै गर्नुपर्छ।"

सन् २००८ मा स्थापित फुच्याङ नवीकरण मञ्च चीनको विज्ञान र प्रविधि मन्त्रालय र शाङहाई नगरपालिका सरकारको संयुक्त संयोजनमा आयोजित भइरहेको छ। उक्त मञ्चले सँधै नवीनताको विषयमा ध्यान केन्द्रित गरिरहेको छ। बितेका वर्षहरूयता, विभिन्न क्षेत्रहरूको हेरचाह, समर्थन तथा संयुक्त प्रयासमा, उक्त मञ्चको स्तर र अन्तर्राष्ट्रिय प्रभाव बढ्दै गइरहेको छ। साथै, चीनको नवीनता-संचालित विकास रणनीतिको गहन कार्यान्वयन, उच्च-स्तरीय वैज्ञानिक र प्राविधिक आत्मनिर्भरता र शाङहाईको अन्तर्राष्ट्रिय विज्ञान र प्रविधि नविनता केन्द्रको निर्माणको लागि पनि महत्त्वपूर्ण समर्थन प्रदान गर्दै आएको छ।