छैटौं चीन अन्तर्राष्ट्रिय आयात एक्स्पो शाङ्घाईमा आयोजित भयो। खाद्य र कृषि उत्पादन प्रदर्शनी क्षेत्रको सहभागी प्रदर्शकको संख्या सबैभन्दा ठूलो छ।सर्बियाई रेड वाइन, डेनिस बिस्कुट, अष्ट्रेलियाली मासु... १०० भन्दा बढी देश र क्षेत्रका हजारौं कम्पनीहरूले अर्गानिक र स्वस्थ "स्थानीय" विशेषताहरू र प्रशोधित खानाहरू देखाएका छन्। धेरै विदेशी प्रदर्शकहरूले पत्रकारहरूलाई भने कि चिनियाँ परिवारहरूले हरियो, स्वस्थ र गुणस्तरीय जीवनको खोजी बढ्दै गएको छ, जसले ठूलो बजार सिर्जना गर्ने छ।यस एक्स्पोमा अष्ट्रेलियाले त्यहाँका चार राज्यका लगभग ८० कम्पनीहरूका विशेष उत्पादनहरू प्रदर्शन गर्न खाद्य तथा कृषि उत्पादन प्रदर्शनी क्षेत्रमा राष्ट्रिय प्याभिलियन खोल्यो। अष्ट्रेलियाली मासु प्रदर्शकहरूले चिनियाँ बजार अवसरहरूको बारेमा धेरै आशावादी रहेको र अस्ट्रेलिया र चीनले आर्थिक तथा व्यापारिक सहयोगलाई निरन्तरता दिने आशा व्यक्त गरेका छन्।