चीनका राष्ट्राध्यक्ष सी चिनफिङ सान-फ्रान्सिस्कोमा
2023-11-15 04:47:40cri
Share with:

स्थानीय समयअनुसार, नोभेम्बर १४ तारिख दिउँसो अमेरिकी राष्ट्रपति जो बाइडेनको निमन्त्रणामा चीन-अमेरिका राष्ट्रनायक वार्तामा भाग लिनुका साथै एशिया-प्रशान्त क्षेत्रको आर्थिक सहयोग संगठन एपेकको तेह्रौं नेतागणको अनौपचारिक सम्मेलनमा भाग लिनको लागि चिनियाँ राष्ट्राध्यक्ष सी चिनफिङ विशेष विमानद्वारा अमेरिकाको सान-फ्रान्सिस्को पुग्नुभएको छ।  

राष्ट्राध्यक्ष सी चिनफिङको विशेष विमान सान फ्रान्सिस्को विमानस्थलमा अवतरण गर्दा अमेरिकाका वित्तमन्त्री, क्यालिफोर्निया राज्यका प्रमुख तथा चीनका लागि अमेरिकी राजदूत, अमेरिकी प्रतिनिधिहरू लगायते स्वागत गर्नुभएको थियो।

यसैगरी राष्ट्राध्यक्ष सी चिनफिङ चढेको गाडी विमानस्थलदेखि होटेलसम्म पुग्दा बाटो छेउमा रहेका धेरै चिनियाँ मूलका विदेशी, चिनियाँ प्रवासी र अमेरिकामा अध्ययनरत् चिनियाँ विद्यार्थीहरूले चिनियाँ तथा अमेरिकी राष्ट्रिय झण्डा हल्लाउँदै हार्दिक स्वागत गरेका थिए। 

त्यस्तै छाइ छी, वाङ यी लगायत पदाधिकारीहरू पनि सोही विमानद्वारा सान-फ्रान्सिस्को पुग्नुभयो। अमेरिकाका लागि चिनियाँ राजदूत श्ये फन पनि विमानस्थल पुग्नुभएको थियो।