नोभेम्बर २९ तारिख संयुक्त राष्ट्र संघले "प्यालेस्टिनी ऐक्यवद्धता सम्बन्धी अन्तर्राष्ट्रिय दिवस" को स्मरणार्थ एउटा सम्मेलनको आयोजना गरेको छ। चिनियाँ राष्ट्राध्यक्ष सी चिन फिङले सम्मेलनलाई बधाई सन्देश पठाउनुभयो।

सीले प्यालेस्टिनी मुद्दा मध्यपूर्वी समस्याको केन्द्रविन्दु र अन्तर्राष्ट्रिय निष्पक्षता र न्यायसँग सम्बन्धित रहेको औंल्याउनुभयो। प्यालेस्टाइन-इजरेली द्वन्द्वको मूल कारण प्यालेस्टिनी जनताले स्वतन्त्र राष्ट्रको वैधानिक राष्ट्रिय अधिकारको अनुभूति गर्नमा भएको ढिलाइमा निहित छ। अन्तर्राष्ट्रिय समुदायले तुरुन्तै कदम चाल्नुपर्ने कुरा औंल्याउँदै सी चिनफिङले संयुक्त राष्ट्र सुरक्षा परिषद्ले आफ्नो जिम्मेवारी प्रभावकारी रूपमा निर्वाह गर्नुपर्ने र युद्धविराम, नागरिक सुरक्षा र मानवीय प्रकोप रोक्न सबै प्रयास गर्नुपर्ने बताउनुभयो।

सी चिनफिङका अनुसार यसैका आधारमा प्यालेस्टाइन-इजरेल शान्ति वार्ता यथाशीघ्र पुनः सुरु गरिनुपर्छ र प्यालेस्टिनी जनताको राज्यअस्तित्व र फिर्ताको अधिकार यथाशीघ्र प्राप्त गरिनुपर्छ। प्यालेस्टिनी जनताको न्यायोचित राष्ट्रिय अधिकार पुनर्स्थापना गर्न चीनले सधैं दृढतापूर्वक समर्थन गरेको पनि सीले जोड दिनुभयो।