डिसेम्बर २० तारिख चीनका राष्ट्राध्यक्ष सी चिनफिङले जन वृहत् सभा भवनमा रूसका प्रधानमन्त्री मिखाइल भ्लादिमिरोभिच मिशुतिनसँग भेट-वार्ता गर्नुभएको छ।

सो अवसरमा सी चिनफिङले रूसी जनताको स्वयं छनौट विकास बाटोलाई चीनल समर्थन गरेको उल्लेख गर्नुभयो। उहाँले चीनले रूससँग आगामी वर्षमा चीन-रूस दौत्य सम्बन्ध स्थापना भएको ७५औँ वार्षिकोत्सवलाई नयाँ सुरूवातको रूपमा लिएर दुई देशबीच उच्च स्तरीय राजनीतिक सम्बन्धको सक्रिय प्रभावकारितालाई विस्तृत गरी आ-आफ्नो आर्थिक तथा सामाजिक विकासलाई बढाउन र राष्ट्रको पुनःउत्थानलाई साकार गर्न हात मिलाएर अघि बढ्ने इच्छा लिएको व्यक्त गर्नुभयो।

मिशुतिनले दुई पक्षीय व्यावहारिक सहयोगको स्थीर वृद्धि भएबाट रूसलाई सन्तोष लागेको भन्दै रूसले चीनसँग अरू सम्भावित शक्तिलाई विकास गरी आर्थिक तथा व्यापारिक, ऊर्जा, इन्टर कनेक्शनलगायत विभिन्न क्षेत्रको सहयोगलाई प्रबर्द्धन गरेर दुई देश तथा जनताबीचको युगौँयुगदेखिको मित्रतालाई सुदृढ पार्ने इच्छा लिएको व्यक्त गर्नुभयो। उहाँले कान्सुमा गएको भूकम्पप्रति रूस सरकार र जनताको तर्फबाट सी चिनफिङलाई समवेदना व्यक्त गर्नुका साथै आवश्यक उद्धार र सहयोग गर्ने इच्छा लिएको उल्लेख गर्नुभयो। सी चिनफिङले त्यसप्रति आभार व्यक्त गर्नुभएको छ।