नेपालको राजधानी काठमाडौंमा संस्कृति तथा पर्यटन मन्त्रालय र नेपालस्थित चिनियाँ दूतावासले आयोजना गरेको ‘खुशीयाली वसन्त चाड’ सम्बन्धित प्रदर्शन सुरु भएको छ । कार्यक्रमले विभिन्न देशका ७०० भन्दा बढी दर्शकहरूलाई आकर्षित गरेको थियो।
सो कार्यक्रममा, नेपालको प्रतिनिधि सभाका सभामुख देवराज घिमिरेले भन्नुभयो,“चिनियाँ संस्कृति धनी र रंगीन छ,हामीले यसबारे धेरै च्यानलहरूमार्फत यसअघि पनि थाहा पाएका छौँ। आजको प्रस्तुति लाइभ हेर्न पाउँदा म र मेरा नेपाली साथीहरू निकै खुशी भयौँ। नयाँ वर्षको शुभकामना।”
नेपाल-चीन मिडिया एसोसिएसनका अध्यक्ष ध्रुव पौडेलले भन्नुभयो, “आजका गतिविधिहरू विशेष गरी समृद्ध छन्। यसले मलाई मेरो चीनमा बिताएका दिनहरूको सम्झना गराएको छ। मैले पनि चीनमा दुईवटा वसन्त चाड मनाएको थिएँ। आज म आफ्ना चिनियाँ साथीहरूलाई धेरै सम्झन चाहन्छु। सबै चिनियाँ साथीहरूलाई नयाँ वर्षको शुभकामना।”
ड्र्यागन वर्षको वसन्त चाड नजिकिँदै गर्दा, अष्ट्रेलियामा रहेको चिनियाँ दूतावासले धेरै एजेन्सीहरूसँग मिलेर सिड्नीमा ड्र्यागन "खुशीयाली वसन्त चाड" शृंखलाको पत्रकार सम्मेलनको आयोजना गरेको छ।