जनवरी २९ तारिख इरानको विदेश मन्त्रालयका प्रवक्ता कनानीले अमेरिकी सैन्य अखडामा भएको आक्रमण सम्बन्धमा एक वक्तव्य प्रकाशित गर्नुभएको छ। प्यालेस्टाइन-इजरायल द्वन्द्वको वर्तमान चरणदेखि नै प्यालेस्टाइनविरुद्ध इजरायलको सैन्य कारबाहीमा अमेरिकाको समर्थनका कारण क्षेत्रीय जोखिम बढ्दै गएको र इरान क्षेत्रीय अवस्थातर्फ सधैँ सजग रहेको कनानीले बताउनुभयो। थप रूपमा, अमेरिकी सेनाले इराक र सिरियाको सार्वभौमसत्ताको उल्लङ्घनका साथै इराक, सिरिया र यमनका सम्बन्धित संस्थाहरू र आममानिसहरूमाथि गरेको बमबारी र आक्रमणले क्षेत्रीय अस्थिरता बढाएको छ।

कनानीले इरानले क्षेत्रीय शान्ति, स्थायित्व र सुरक्षा कायम राख्ने महत्वलाई फेरि जोड दिएको बताउँदै गाजा पट्टीमा द्वन्द्व समस्याको समाधान नभएको व्यक्त गर्नुभयो। इरानको विश्वास छ कि गाजा पट्टीमा तत्काल युद्धविराम यस क्षेत्रमा शान्ति पुनर्स्थापनाको आधार हुन सक्छ।