वैदेशिक लगानी चीनको अर्थतन्त्र र विश्व अर्थतन्त्रको साझा समृद्धि र विकासलाई प्रवर्द्धन गर्ने महत्वपूर्ण शक्ति हो। हालै सम्पन्न चीनको राज्य परिषद्को कार्यकारिणी बैठकमा यो वर्षको आर्थिक कार्यको मुख्य केन्द्रविन्दुमा वैदेशिक लगानीलाई स्थिर बनाउने र थप प्रयासका साथ विदेशी लगानी आकर्षित गर्ने र उपयोग गर्ने नीति तथा उपायहरूको अनुसन्धान र सुरुवात गर्ने प्रस्ताव गरिएको थियो। चीनको पछिल्लो आधिकारिक तथ्याङ्कले यस वर्षको जनवरीमा चीनमा ४ हजार ५ सय ८८ नयाँ विदेशी लगानी उद्यम स्थापना भएको देखाएको छ, जुन गत वर्षको निरन्तर वृद्धिको पृष्ठभूमिको तुलनामा वार्षिक रूपमा ७४.४ प्रतिशतले वृद्धि भएको छ। विश्व आर्थिक बृद्धिमा आएको सुस्तता र विश्वव्यापी वैदेशिक लगानीको समग्र मन्दीका बाबजुद पनि चीन विदेशी लगानीका लागि तातो स्थान रहेको देख्न सकिन्छ।

चिनियाँ बजारको विशाल विकास अवसर र वृद्धि सम्भावना बहुराष्ट्रिय कम्पनीहरूलाई त्याग्न गाह्रो छ। उच्च गुणस्तरीय विकासद्वारा संचालित, चीनमा विदेशी लगानी पनि निरन्तर रूपान्तरण र स्तरोन्नति भइरहेको छ। यस वर्षको जनवरीमा चीनमा पश्चिमी विकसित देशहरूको लगानीमा उल्लेख्य वृद्धि भएको छ। तीमध्ये फ्रान्स र स्वीडेनको क्रमशः २५ गुणा र ११ गुणाले वृद्धि भएको छ भने जर्मनी, अस्ट्रेलिया र सिंगापुरको चीनमा वास्तविक लगानी क्रमशः २११.८%, १८६.१% र ७७.१% ले बढेको छ। यी देशहरूले पश्चिमी मिडियामा तथाकथित "चीनबाट विदेशी पुँजी फिर्ता लिने" तर्क असम्भव छ भनी प्रमाणित गरेका छन्।