मार्च ३१ तारिख गाजा युद्धविराम वार्ताको नयाँ चरण इजिप्टको राजधानी काइरोमा भएको छ। इजरेलका प्रतिनिधिहरूले भाग लिए तापनि प्यालेस्टिनी इस्लामिक प्रतिरोध आन्दोलन (हमास) भने सहभागी भएनन् र मध्यस्थकर्ताको सन्देशको पर्खाइमा रहेको भनाइ छ।

सोही दिन प्यालेस्टाइन-इजरेल बीचको वर्तमान चरणको द्वन्द्वपछि कै सबैभन्दा ठूलो सरकार विरोधी जुलुस प्रदर्रशन इजरेलमा भएको थियो। प्रदर्शनकारीहरूले हमाससँग जतिसक्दो चाँडो युद्धविराम सम्झौता गर्न र पक्राउ परेका इजरेलीहरूलाई रिहा गर्न सरकारलाई आग्रह गरेका छन्।

इजिप्टका मिडियाले इजरेली प्रतिनिधिमण्डल मार्च ३१ तारिख काइरोमा आइपुगेको बताएको छ। हमासका अधिकारीहरूले काइरो वार्तामा भाग नलिने तर मध्यस्थकर्ता र इजरेलबीचको वार्ताको नतिजालाई पर्खने बताएका छन्। आमनेसामने रहेर वार्ता गर्न अस्वीकार गरेको हमास र इजरेलको सो वार्तामा इजिप्ट र कतार मध्यस्थकर्ताको रूपमा रहेका छन्।

एसोसिएटेड प्रेसका अनुसार काइरो वार्तामा सफलताको कुनै संकेत छैन।