अप्रिल ९ तारिख चिनियाँ परराष्ट्र मन्त्रालयका प्रवक्ता माउ निङले नियमित पत्रकार सम्मेलनको आयोजना गर्नुभयो। एक पत्रकारले सोधे, “हालै पिटरसन अन्तर्राष्ट्रिय आर्थिक अध्ययन संस्थाका वरिष्ठ अनुसन्धानकर्ता लोतिले परराष्ट्र मामिलाको वेबसाइटमा "चीन अझै बढिरहेको छ, विश्वको दोस्रो ठूलो अर्थतन्त्रलाई कम नठान्नुहोस्" शीर्षकको लेख प्रकाशित गर्नुभयो। अमेरिकी शैक्षिक सर्कलहरूले हालै चीनको अर्थतन्त्र उचाइमा पुगेको सिद्धान्तले चीनको अर्थतन्त्रको लचिलोपनलाई कम आँकलन गरेको सो लेखमा उल्लेख छ। चीनको अर्थतन्त्रले हाल प्रतिकूल कारकहरूको सामना गरिरहेको भए तापनि सन् १९७० को दशकको उत्तरार्धमा चीनले आर्थिक सुधारको बाटोमा अघि बढ्दा हालको भन्दा ठूलो चुनौतीलाई पार गर्यो। अबको केही वर्षमा चीनको आर्थिक वृद्धिदर अमेरिकाको भन्दा दोब्बर हुनसक्छ। तपाईको कुनै टिप्पणी छ? ”

 प्रवक्ता माउले चीनका राष्ट्राध्यक्ष सी चिनफिङले हालै अमेरिकी व्यापारिक समुदाय र रणनीतिक शिक्षाविद्हरूसँगको भेटमा चीनको अर्थतन्त्र स्वस्थ र दिगो रहेको कुरा औंल्याउनुभयो। उहाँले भन्नुभयो, “चीनको आर्थिक वृद्धिदर विश्वका प्रमुख अर्थतन्त्रहरूमध्ये सबैभन्दा अगाडि रहेको कुरामा सबै पक्षहरू सामान्यतया सहमत छन्। विश्वको दोस्रो ठूलो अर्थतन्त्र भएकाले चीनको अर्थतन्त्र स्वस्थ र दिगो छ। चीनले विश्व आर्थिक वृद्धिलाई बलियो गति प्रदान गर्न र विश्वव्यापी विकासका थप अवसरहरू प्रदान गर्न आफ्नो स्थिर विकासको प्रयोग जारी राख्नेछ। ”