हालै अमेरिका र युरोपेली सड्घले चीनमा निर्मित विद्युतीय सवारी साधन र सोलार प्यानललाई तथाकथित 'ओभरक्यापासिटी' को आरोप लगाएर त्यसप्रति कदम चाल्ने जनाएका छन्। चिनियाँ परराष्ट्र मन्त्रालयका प्रवक्ता लिन च्यानले अप्रिल १७ तारिखमा यसको जवाफ दिँदै भन्नुभयोः तथाकथित " चीनको अति क्षमताले विश्व बजारमा असर पारेको" भन्ने एक गलत भाव्य हो। "अति क्षमता" को आधारमा व्यापार संरक्षण उपायहरू लिनुले आफूलाई राम्रो बनाउने छैन र केवल उत्पादन र आपूर्ति शृङ्खलाको स्थिरता र सहजतालाई नष्ट गर्नेछ। अनि विश्वव्यापी अर्थव्यवस्थाको हरित रूपान्तरण र उदीयमान उद्योगको विकासलाई तल झार्नेछ।

सोही दिन आयोजित नियमित पत्रकार सम्मेलनमा प्रवक्ता लिन च्यानले पुष्टि गर्दै भन्नुभयोः उत्पादन क्षमताको विषयलाई बजारमूलक अर्थतन्त्रको सिद्धान्तअनुसार हेर्नुपर्छ र आर्थिक विश्वव्यापीकरणको पृष्ठभूमिमा राखेर श्रमको विश्वव्यापी विभाजन र अन्तर्राष्ट्रिय बजारको सन्दर्भमा विश्लेषण गर्नुपर्छ।

यसबारे चर्चा गर्दै उहाँले अगाडि भन्नुभयोः चीनको नयाँ ऊर्जा उद्योगका श्रेष्ठताहरू वास्तविक सीपहरूद्वारा प्राप्त गरिएको हो र सरकारी अनुदानहरूभन्दा पूर्ण बजार प्रतिस्पर्धाद्वारा आकार दिइएको हो। चीनको नयाँ ऊर्जा उद्योगद्वारा प्रदान गरिएको उच्च गुणस्तरको उत्पादन क्षमताले विश्वव्यापी हरित विकासमा महत्त्वपूर्ण योगदान गर्नेछ।