मे १६ तारिख, चीनका राष्ट्राध्यक्ष सी चिनफिङले अरब मुलुक संघका राष्ट्रनायक परिषदको गोष्ठीका अध्यक्ष बह्राइनका हमादलाई मानामामा ३३औँ अरब मुलुक संघका राष्ट्रनायक परिषदको गोष्ठी आयोजना भएकोमा बधाई पत्र पठाउनुभएको छ।
हालै बर्षहरूमा, विश्व र समयमा आएको परिवर्तन र ऐतिहासिक परिवर्तनका सामनामा अरबसम्बन्धित् देशहरूले स्वाधीनताको पालना गर्दै, विकास र पुनरुत्थानलाई अघि बढाउँदै, निष्पक्षता र न्यायको पालना गर्दै क्षेत्रीय शान्ति र स्थिरताका लागि वैश्विक दक्षिणको सहकार्य र साझा हितको रक्षा गर्न महत्वपूर्ण भूमिका खेलेको राष्ट्राध्यक्ष सीले उल्लेख गर्नुभएको छ।
राष्ट्राध्यक्ष सीले भन्नुभयो, हाल चीन-अरब बीचको सम्बन्ध इतिहासमै सबैभन्दा नजिक छ। सन् २०२२ डिसेम्बरमा, अरबका राष्ट्रनायकसँग पहिलो चीन-अरब मुलुकहरूको शिखर मञ्चमा सहभागी हुँदाखेरि हामीले चीन-अरब बीचको सम्बन्धको विकासलाई साकार तुल्याउन तथा विस्तृत रूपमा योजना बनाएर नयाँ युगमा चीन-अरब साझा भविष्य समुदाय बनाउने सहमति प्राप्त गरेका छौँ। केही वर्षदेखि चीन र अरब बीचको रणनीतिक पारस्परिक विश्वास निरन्तरताका साथ गहकिलो बनिरहेको छ, व्यावहारिक सहकार्य जीवन्त हुँदै गएको छ, विविध सांस्कृतिक आदानप्रदानहरू धेरै पटक आयोजना गरिएका छन् र विभिन्न क्षेत्रमा सहकार्यका फलदायक नतिजाहरू प्राप्त गरेका छन्।