यतिबेला चिनियाँ सहयोगमा दैलेख जिल्लामा पेट्रोलियम पदार्थ अन्वेषणमा दर्जनौँ कामदार व्यस्त रहेका छन्। ६ वर्ष अगाडि चीनले दैलेखमा पेट्रोलियम पदार्थको अन्वेषण गर्न नेपाललाई सहयोग गर्ने सम्झौता भएको थियो। जिल्लाको भैरवी गाउँपालिका–१ जलजलेमा पेट्रोलियम पदार्थ उत्खनन एवं अन्वेषणमा दर्जनौ कामदार एवं प्राविधिक जुटेका राष्ट्रिय समाचार समितिले लेखेको छ। 

उत्खखनका क्रममा दुई सय १८ मिटर ड्रिलिङ भएको छ। ड्रिलिङ चार हजार पाँच सय मिटरसम्म गरिने खानी तथा भूगर्भ विभागअन्तर्गतको पेट्रोलियम अन्वेषण परियोजनाका सूचना अधिकारी प्रकाश लुइँटेलले बताउनुभयो। 

कामदार अहोरात्र खटेका र आलोपालो प्रणाली लागु गरेर काम भइरहेको जानकारी दिँदै उहाँले आगामी चार महिनाभित्र उत्खनन पूरा गर्ने लक्ष्यका साथ काम भइरहेको बताउनुभयो

चीन सरकारसँग २०७५ सालमा भएको सम्झौताअनुसार रु दुई अर्ब ५० करोड अनुदानमा अन्वेषण थालिएको हो।

रासस