छालाको छायादर्शन ओपेराले अभिनयबाट दर्शकहरुले कस्तो प्रतिक्रिया जनाउने भन्ने कुरालाई निकै महत्व दिएको छ। यस्तो छाँया-दर्शन ओपेराका पात्रहरुका सबै अंग-प्रत्यंगहरु चल्नसकेका र चलाउने मान्छेले छेउमा सुरिलो स्वरमा गाएकाले त्यो गाढा स्थानीय विशेषता भएको र लोक-दुनियाँको गाउँले वातावरणमा डुबेको जस्तो देखिन्छ।
लोंग तोंग नामक छालाका छाँया-चित्रित ओपेराले थुप्रै कथाहरु देखाउँछ। ती चित्रहरुमध्येको एक लो थोंग नाम गरेको एकजना प्राचीन जनरलले उत्तरी भागमा लडाइँ गरेको कथा चीनको स्वै वंश र थाङ्ग वंशको इतिहास सम्बन्धी कथामध्येको एक भाग हो। त्यो चित्रका पात्र र हतियारहरुको सूक्ष्म र मसिनो कुँदाइ हेरेपछि मानिसहरुले त्यो देखाउँदा कति मजा लाग्दो र त्यसको कथा कति आकर्षक होला भनेर अनुमान गर्न सक्दछन्। तिनका बुट्टाहरु निकै मन लगाएर सजाइएका छ्न्: ठीकसँग विभिन्न रंगको प्रयोग गरिएकाले निकै उज्यालो र फुर्तिलो देखिन्छ। साथै छाँया-चित्रित पात्रहरुका अंग-प्रत्यंगहरुको एक-अर्कासित जोडिने र छुट्टिने तरिका एकदमै उचित भएकाले चलाउँदा निकै जीउँदो-जाग्दो देखिन्छ। यसबाट शक्तिशाली र साहसी हुनुका साथै कोमल स्वभाव पनि प्रदर्शित गरिएको छ र सुव्यवस्थित कलात्मक शैली प्रदर्शित गरिएको छ।
उत्तर-पश्चिमी चीनको पल्लो शान्सी प्रान्तको छाले छाँया-चित्रित ओपेरामा स्थानीय लोक-वाचकहरुले कथा सुनाउने विभिन्न लक्षणहरुको लेश देख्न पाइन्छ। जुन आधुनिक कालमा पल्लो शान्सीका विभिन्न स्थानीय ओपेराहरुको पूर्व रुप हो।
पल्लो शान्सी प्रान्तको छालाको छाँया-चित्रको बाहिरी आकृति सरल, चोखो र चहकिलो देखिन्छ। यसका साथै त्यो निकै सूक्ष्म र मसिनो शैलीमा रहेको कलात्मक विशेषतायुक्त छ। तिनका पात्रहरुको बाहिरी रुप-आकार आकर्षक, जीउँदो-जाग्दो र सुन्दर देखिन्छ। ती पात्रहरुको भित्री भाग खोक्रो भएपनि उचित ठाउँमा नकुँद्ने गरिन्छ जसबाट जटिलता र सरलता प्रदर्शित हुनुका साथै नक्कली र सक्कली एक-अर्कासँग एकदमै राम्रोसँग गाँसिएको देखिन्छ। छाँया-चित्रित पात्रहरु, पात्रहरुले प्रयोग गर्ने साधनहरु तथा पृष्ठभूमिका दृश्यहरुका विभिन्न भागमा फरक बुट्टा भए पनि सिंगो चित्र हेर्दा निकै शानदार, चिटिक्क परेको, सरल र गहकिलो देखिन्छ। प्रत्येक पात्रको विभिन्न भाग हेरुँ-हेरुँ जस्तो मात्र नभई सिंगो पात्र हेर्दा पनि साँच्चो, वास्तविक र सजिव देखिन्छ। यसबाट एउटा ज्यादै राम्रो र शोभायमान कलात्मक रुप बन्नपुगेको छ।
