स्थानीय समयानुसार जुलाई ३ तारिख दिउँसो चिनियाँ राष्ट्राध्यक्ष सी चिनफिङ र कजाकिस्तानका राष्ट्राध्यक्ष तोकायेभले संयुक्त रूपमा अस्तानाको राष्ट्रपति भवनमा भिडियो लिङ्कमार्फत चीन-युरोप ट्रान्स क्यास्पियन एक्सप्रेसको उद्घाटन समारोहमा सहभागिता जनाउनुभयो।

उहाँहरूले चीन-युरोप ट्रान्स-क्यास्पियन एक्सप्रेस प्रोजेक्टको भिडियो हेर्नुभयो। कजाकिस्तानी परियोजनाका नेताले दुई राज्य प्रमुखलाई तयारी स्थितिबारे रिपोर्ट गर्नुभयो र चिनियाँ परियोजना नेताले दुई राज्य प्रमुखलाई निर्देशन जारी गर्न आग्रह गर्नुभयो।

चीनबाट क्यास्पियन सागर हुँदै चीन-युरोप मालवाहक राजमार्ग यातायातको माध्यमबाट क्यास्पियन सागरको बन्दरगाहमा आइपुगेको यो पहिलो पटक हो। जसबाट सडक, रेलवे, उड्डयन र पाइपलाइन यातायातलाई एकीकृत गर्ने आयामिक यातायातलाई आधिकारिक रूपमा स्थापित गरिएको छ।