जुलाई २९ तारिख आयोजित चीनको पर्यावरण एवं वातावरण मन्त्रालयको नियमित पत्रकार सम्मेलनबाट प्राप्त जानकारी अनुसार, यस वर्षको पूर्वार्धमा, चीनको राष्ट्रिय वायु गुणस्तर र पानीको वातावरणको गुणस्तर समग्रमा सुधार भइरहेको छ।

यस वर्षको पूर्वार्धमा, चीनका शहर स्तरमा र माथिका ३३९ वटा शहरहरूमा राम्रो वायु गुणस्तर भएका दिनहरू सम्पूर्ण दिनहरुको औसत अनुपात ८२.८ प्रतिशत पुगेको छ जुन १.४ प्रतिशतले वृद्धि भएको छ। साथै गम्भीर प्रदूषण भएको दिनहरू सम्पूर्ण दिनहरुमा औसत १.५ प्रतिशत थियो जुन गत वर्षको सोही अवधिको तुलनामा,१.१ प्रतिशतले घटेको जनाइएको छ।

तीमध्ये पीएम २.५ को औसत एकाग्रता प्रति क्यूबिमिटर ३३ माइक्रोग्राम थियो, जुन गत वर्षको सोही अवधिको तुलनामा २.९ प्रतिशतले कमी भएको छ।

सतहको पानीको वातावरणको समग्र सुधारको प्रवृत्ति देखाइएको छ। चालू वर्षको पूर्वार्धमा, ३६४१ राष्ट्रिय सतह पानी मूल्यांकन खण्डहरूमध्ये ८८.८ प्रतिशत उत्कृष्ट थिए, जुन गत वर्षको सोही अवधिको तुलनामा १.० प्रतिशतले वृद्धि भएको छ। तीमध्ये याङ्त्सी नदी र पहेँलो नदी जस्ता प्रमुख नदीहरूको पानीको गुणस्तर उत्कृष्ट भएको अनुपात ९०.३ प्रतिशत थियो, जुन गत वर्षको सोही अवधिको तुलनामा १.२ प्रतिशतले वृद्धि भएको बताइएको छ।