जुलाई ३० तारिख चिनियाँ राष्ट्राध्यक्ष सी चिनफिङले निकोलस मदुरो मोरोस भेनेजुएलाका राष्ट्रपतिमा पुनः निर्वाचित भएकोमा बधाई सन्देश पठाउनुभएको छ।

सन्देशमा राष्ट्राध्यक्ष सीले यसरी भन्नुभयो, ‘पदभार ग्रहण गर्नुभएयता राष्ट्रपति निकोलसले भेनेजुएला सरकार र जनताको नेतृत्व गर्दै आफ्नो राष्ट्रिय अवस्थाअनुकूल विकासको मार्गमा हिँड्दै आउनुभएको छ र राष्ट्रिय निर्माणमा उल्लेखनीय उपलब्धि हासिल गराउनुभएको छ। चीन र भेनेजुएला एक अर्कामा विश्वास गर्ने असल मित्र हुन् र साझा विकासका लागि असल साझेदार पनि हुन्।’

राष्ट्राध्यक्ष सीका अनुसार भेनेजुएलाको राष्ट्रिय सार्वभौमिकता, राष्ट्रिय गरिमा र सामाजिक स्थायित्वको संरक्षण गर्ने प्रयासलाई चीनले सधैं झैं दृढतापूर्वक समर्थन गर्दै जाने छ र बाह्य हस्तक्षेपको विरोध गर्ने भेनेजुएलाको न्यायोचित उद्देश्यलाई दृढतापूर्वक समर्थन गर्दै जाने छ।

सन्देशमा सीले चीन-भेनेजुएला सम्बन्धको विकासमा निकै ठूलो महत्व दिँदै चीन-भेनेजुएला सदाबहार रणनीतिक साझेदारी सम्बन्धलाई नयाँ स्तरमा पुर्याउँदै दुई देशका जनताको लागि अझ बढी हित कल्याण सिर्जना गर्ने इच्छा लिएको व्यक्त गर्नुभयो।