जुलाई ३० तारिख नेपालको काठमाडौँमा चाइना मिडिया ग्रुपद्वारा आयोजित "नयाँ युगमा चीनको गहन सुधारबाट विश्वमा अवसर" संवाद सफलतापूर्वक सम्पन्न भएको छ।

चिनियाँ कम्युनिष्ट पार्टी केन्द्रीय समितिको प्रचार विभागका उपमन्त्री एवम् चाइना मिडिया ग्रुपका निर्देशक शन हाइ स्योङले भिडियोमार्फत उक्त संवादका लागि सम्बोधन दिनुभएको छ। चाइना मिडिया ग्रुपले शान्तिपूर्ण विकास, पारस्परिक लाभकारी सहयोग र साझा समृद्धिसँगै विश्व आधुनिकीकरणको अनुभूतिमा थप योगदान पुर्‍याउने उहाँले व्यक्त  गर्नुभयो।

नेपालका लागि चिनियाँ राजदूत छन सोङ र नेपाल कम्युनिष्ट पार्टी एमाले केन्द्रीय समितिका सदस्य विष्णु रिजाल तथा अन्य अतिथिहरूले सो कार्यक्रममा सहभागी भई मन्तव्य दिनुभएको छ। राजदूत छन सोङले नेपाल र अन्य छिमेकी मित्रराष्ट्रहरूले चीनको विकासका अवसरबाट पारस्परिक लाभ तथा साझा बिजय हासिल गर्न सक्ने र यस्तो अवसर बाढ्न चीन इच्छुक रहेको बताउनुभयो।

नेकपा एमालेका नेता विष्णु रिजालले चिनियाँ कम्युनिष्ट पार्टी २०औँ केन्द्रीय समितिको तेस्रो पूर्ण बैठक नयाँ युगमा चीनका लागि महत्वपूर्ण कोशेढुङ्गा भएको र विश्वव्यापी साझा विकासमा व्यापक प्रभाव पार्ने व्यक्त गर्नुभयो।